काठमाडौं: नेपालमा आजदेखि १० जूनसम्म अन्तर्राष्ट्रिय योग महोत्सव सम्पन्न भइरहेको छ। यस अन्तर्राष्ट्रिय योग महोत्सवमा बङ्गलादेशबाट छह वटा प्रतियोगी टोलीहरूले भाग लिएका छन्। यी सहभागीहरू दोस्रो सगरमाथा अन्तर्राष्ट्रिय योग प्रतियोगिता र तेस्रो दक्षिण एसियाली योग खेल प्रतियोगितामा सहभागी हुनेछन्। नेपाल योग तथा प्रकृति उपचार संघको आयोजनामा हुने अन्तर्राष्ट्रिय योग प्रर्तियोगीतामा भारत, बङ्गलादेश, नेपाल, भुटान, पाकिस्तान, अफगानिस्तान, श्रीलंका र माल्दिभ्सलगायत दक्षिण एसियाका आठ राष्ट्रको सहभागिता रहेको छ। नेपाल योग खेलकुद संघ र विश्व हठयोग संघको सहकार्यमा आयोजना हुन लागेको हो। बङ्गलादेशी टोलीको नेतृत्व प्रख्यात बङ्गलादेशी योग संस्था जोयसान योग र बङ्गलादेश योगासन खेल संघले गरिरहेका छन्। जोयसन योगका लागि योग शिक्षक कुशल रोय जोय हुन्। बङ्गलादेश योगासन खेल संघका सदस्यहरुको नेतृत्व योग प्रशिक्षक शफिकुल आलमले गरिरहेका छन्।