सिलगढी: सिलगढीको भारत कराते एकेडेमीले नेपालको काकरभिटामा भएको मयुर कराते कपमा उत्कृष्ट नतिजा हासिल गरेको छ। भारत कराते एकेडेमीका तीन खेलाडीले अन्तर्राष्ट्रिय कराते प्रतियोगितामा स्वर्ण र रजत जितेका छन्। भारत कराते एकेडेमीका अध्यक्ष रूपा शीलले शुक्रबार सिलगढी जर्नलिस्ट क्लबमा प्रतियोगिताको सफलता र खेलाडीहरूलाई प्रकाश पारे। २७ र २८ गते मयुर कराते कप काकरभिटामा करिब १२ सय खेलाडीले सहभागिता जनाएका थिए। उक्त प्रतियोगितामा भारत कराते एकेडेमीको तर्फबाट खेल्दै सिलगढीको पाटिक्लोनीका सुरजित मुखर्जीले स्वर्ण तथा एनजेपीकी सोनाली सरकार र सेतु मण्डलले रजत पदक जिते।