गान्तोक: राज्यका कृषि विभाग मन्त्री लोकनाथ नेपालले श्रीनगरमा आजदेखि शुरु भएको दुई दिवसीय विश्व दुग्ध दिवस एवं ग्रीष्मकालीन बैठकमा सहभागिता जनाएका छन्। यस बैठकमा सहभागिता जनाउन उनी हिजो साँझ श्रीनगर पुगेका थिए।

यस बैठकको अध्यक्षता केन्द्रिय मत्स्य पालन, पशुपालन, डेयरी मन्त्रालयका मन्त्री परशोत्तम रुपालाले गरेका थिए। मन्त्री नेपालसँग पशुपालन एवं पशु चिकित्सा सेवा विभाग अन्तर्गत सिक्किम पशुधन विकास बोर्डका अतिरिक्त निदेशक डा. कर्मा डोमा भोटिया साथमा रहेका छन्।

जानकारी गराइन्छ, ग्रीष्मकालीन बैठकको उद्देश्य जमीनी स्तरमा प्रभावकारी कार्यक्रम कार्यान्वयनको लागि एक अभिशरण ढाँचा सिर्जना गर्न, योजनाहरूको प्रगति समीक्षा अनि परिणामहरू र मध्य-पाठ्यक्रम सुधारहरू छलफल गर्न राज्यहरू र केन्द्र शासित प्रदेशहरूको अपेक्षाहरू निकाल्नु रहेको छ।

यस बैठकमा देशभरिका राज्यहरूबाट पशुपालन विभागीय मन्त्रीहरू लगायत अधिकारीहरूले सहभागिता जनाएका छन्।