कोलकाता: चक्रवात ‘मोचा’ ले राज्यमा ल्याण्डफल र यसको प्रभाव कहाँ ल्याउनसक्छ भन्ने बारे विभिन्न अनुमानहरू छन्। तर, अलिपुर मौसम विभागले आइतबार जानकारी दिएअनुसार राज्यमा बिहीबारसम्म पानी पर्ने छैन। मौसम विभागअनुसार यसको अप्रत्यक्ष प्रभावले आउँदो बुधबारसम्म राज्यका विभिन्न जिल्लाको अधिकतम तापक्रम बढ्न सक्नेछ। मोचा चक्रवातका रूपमा कहिले र कहाँ पुग्छ, सोमबारसम्म किटानका साथ भन्न नसकिने मौसम विभागको भानि छ। चक्रवात मोचाको प्रभाव सोमबारदेखि अण्डमानमा देखिनेछ। अण्डमानमा सोमबार बिहानदेखि पानी पर्नेछ। हाल सोमबार दक्षिणपूर्वी बङ्गालको खाडीमा न्यून चापीय रेखा बनेको मौसम पूर्वानुमान महाशाखाले जनाएको छ। यो मंगलबार गहिरो डिप्रेसनमा परिणत हुनेछ। यसका कारण सोमबारदेखि अण्डमान र निकोबार टापुहरूमा हल्कादेखि मध्यम वर्षा हुनेछ। मङ्गलबार पानीको गति अझै बढ्नेछ। चक्रवात बुधबार र बिहीबार थप सर्नेछ। मौसम विभागले बुधबारपछि अण्डमानमा ६० देखि ७० किलोमिटर प्रतिघण्टाको गतिमा हावा चल्ने अनुमान गरेको छ। बङ्गालको खाडीमा सोमबारदेखि शुक्रबारसम्म माछा मार्नेलाई प्रवेशमा रोक लगाइएको छ। गहिरो समुन्द्रमा जाने माछा मार्नेलाई सोमबार रातिसम्म फर्किन भनिएको छ। अलिपुर मौसम विभागका सञ्जीव बन्दोपाध्यायले आइतबार अण्डमान सागर, मध्य बङ्गालको खाडी र दक्षिणपूर्वी बङ्गालको खाडीमा अशान्तिको सम्भावना रहेको बताए। तर, गहिरो डिप्रेसन चक्रवातमा परिणत भएमा कुन दिशामा पुग्छ भन्न सकिने अवस्था छैन। यस प्रकोपको प्रत्यक्ष असर सुन्दरवन वा सागर टापुमा नपर्ने खतरा नरहेको मौसम विभागले जनाएको छ। आइतबार चक्रवातलाई ध्यानमा राख्दै कोलकाता पुलिसले लालबजारमा एक विशेष कन्ट्रोल रुम खोलेको छ। पुलिसले हेल्पलाइन नम्बर पनि जारी गरेको छ। यस बाहेक, कोलकाता पुलिसले सबै नौ डिभिजनहरूमा डीएमजी कर्मचारीहरू पनि तैनाथ गरेको छ।