जलपाईगढ़ी। धुपगढीमा साथीसित माछा समाउन गएको एकजना चौथो कक्षाको छात्र नदीमा डुबेको छ। उक्त नाबालिगको नाम पीतीष राय (१०) बताइएको छ। आइतवार धूपगढ़ी सिविल डिफेन्सका जवानहरूले बीडीओको उपस्थितिमा नाबालिगको तलाशी अभियान शुरू गरेको छ।
प्राप्त जानकारीअनुसार, शनिवार पीतीष आफ्नो साथीको साथ उत्तर गोसाईहाटमा गिलन्डी नदीमा माछा समाउन गएको थियो तर यस अवधिमा पीतीष पानीमा बग्यो। त्यही, घटनापछि उसको साथी डराएर यो कुरा कसैलाई नबताई घर फर्क्यो। अबेर रातिसम्म पीतीष घर नफर्किन्दा परिजनहरूले उसलाई खोज्नु शुरू गरे। यसपछि पीतीषको साथीसित सोधपुछ गर्दा उसले घटनाबारे बतायो। त्यसपछि परिजनहरूले अबेर राति धूपगढ़ी थानालाई घटनाबारे अवगत गराए। जसपछि आज बिहानदेखि घटनास्थलदेखि लगभग १२ किमी टाढ़ासम्म सिविल डिफेन्सका जवानहरूले पीतीषलाई खोज्नु शुरू गरेका छन्।

बीडीओ शंखदीप दासअनुसार, नाबालिगलाई खोज्नमा नदीमा धूपगढ़ी सिविल डिफेन्सका जवानहरूलाई उतारिएको छ। जबसम्म पीतीषबारे थाहा लाग्दैन खोजी अभियान जारी रहनेछ। स्थितिमाथि नजर राखिँदैछ।