काठमाण्डौँः नेपालका प्रधानमन्त्री पुष्पकमल दाहाल प्रचण्डले संसदमा चौंथो ठूलो शक्ति राष्ट्रिय स्वतन्त्र पार्टी आरएसपीलाई सरकारमा सहभागी गराएर समर्थन कायमै राख्ने प्रयास छन्। उनले आज आइतवार आरएसपी सभापति रवि लामिछानेलाई प्रधानमन्त्रीको सरकारी निवास बालुवाटारमा बोलाएर भेटवार्ता गरे।भेटमा लामिछानेलाई सरकारमा आउन प्रचण्डले आग्रह गरेको निकट स्रोतले जानकारी दिएको छ। उनले लामिछानेलाई उपप्रधानमन्त्रीसहित महत्वपूर्ण मन्त्रालय दिन सकिने प्रस्ताव गरेका थिए।

जवाफमा लामिछानेले तत्काल सरकारमा जान नसकिने जवाफ दिए। उनले आफ्नो दलको बैठक बसी सरकारलाई दिइआएको समर्थनबारे निर्णय लिने समेत बताएको बुझिएको छ।प्रचण्डले सरकारलाई दिइआएको समर्थन फिर्ता नलिन आग्रह गरेको बुझिएको छ। तर, आरएसपी फिर्ता लिने तयारीमा छ। लामिछानेले उपनिर्वाचनमा शानदार जीत हासिल गरे। आरएसपीको संसदमा २१ सिट छ जुन प्रधानमन्त्री प्रचण्ड नेतृत्वको सीपीएन एमके भन्दा ११ सिटले कम हो।