जलपाइगढी: चर्को गर्मीको मौसममा जलपाइगढी सदर अस्पतालको ब्लड बैंकमा रगतको अभाव हुन नदिन महिलाहरू रक्तदान गर्न अगाडि आएका छन्। विभागीय बीमा कर्मचारी युनियनको जलपाइगढी महिला उपसमितिको पहलमा जलपाइगढीमा चर्को गर्मीको बीचमा रक्तदान शिविरको आयोजना गरियो। यसदिन एलआईसी नम्बर १ शाखा कार्यालय शान्तिपाडामा रक्तदान शिविरको आयोजना गरिएको थियो। उक्त रक्तदान शिविरमा करिब ५० महिला तथा पुरुष कर्मचारीहरूले रक्तदान गरे।