मुम्बई: ९५औं ओस्कर समारोहमा भारतले पहिलो पटक दुईवटा अवार्ड प्राप्त गरेको छ। फिल्म आरआरआरको ‘नाटु नाटु’ गीतले उत्कृष्ट मौलिक गीतको अवार्ड जितेको छ। योसँगै ‘द एलिफ्यान्ट व्हिस्परर्स’ उत्कृष्ट डकुमेन्ट्री सर्ट फिल्म बनेको छ। तर, डकुमेन्ट्री फिचर फिल्म अल दैट ब्रीद्स दौडबाट बाहिरिएको छ। ओस्कार अवार्डमा भारतले यी तीन विधामा नामांकन पाएको छ। यसअघि पनि गोल्डेन ग्लोब्स अवार्डमा ‘नाटु–नाटु’ले उत्कृष्ट मौलिक गीतको उपाधि पाएका थिए।

चन्द्रबोस र सङ्गीतकार एमएम कीरवानी, जसले ओस्कार समारोहमा आरआरआरको ‘नाटु-नाटु’ गीत लेखेका थिए, ट्रफी लिए। ‘द एलिफ्यान्ट व्हिस्परर्स’का निर्देशक कार्तिकी गोन्साल्वेस र निर्माता गुनीत मोंगाले उत्कृष्ट लघु वृत्तचित्रको अवार्ड प्राप्त गरे। सो क्रममा समारोहमा उपस्थित दीपिका पादुकोण भावुक भइन्। प्रधानमन्त्री नरेन्द्र मोदीले ट्वीट गर्दै आरआरआर र द एलिफ्यान्ट व्हिस्परर्सका निर्माताहरूलाई बधाई दिए। उनले ट्वीटमा भने ‘असाधारण! ‘नाटु नाटु’को लोकप्रियता विश्वव्यापी छ। यो एउटा गीत हो, जुन आउने वर्षौंसम्म याद रहनेछ। यस सम्मानको लागि एमएम कीरवानी र चन्द्रबोससहित सम्पूर्ण टोलीलाई बधाई छ। भारत उत्साहित र गौरवान्वित छl’