मुम्बई: बलिउडका सुपरस्टार सलमान खानको आउँदो फिल्म ‘कभी ईद कभी दिवाली’ को सुटिङ हालै शुरु भएको छ। छायांकन शुरु भएदेखि नै चलचित्रको स्टार कास्टमा भने कहिले सुटिङ तालिकामा परिवर्तन भइरहेको छ। यसै क्रममा निर्माताले फिल्मको नाम परिवर्तन गर्ने निर्णय गरेको खबर पनि आइरहेको छ। रिपोर्टमा विश्वास गर्ने हो भने अब सलमान खानको फिल्मको नाम ‘कभी ईद कभी दिवाली’ नभई ‘भाइजान’ हुनेछ। यद्यपी यस सम्बन्धमा अहिलेसम्म कुनै आधिकारिक घोषणा गरिएको छैन। ५ जूनमा धम्कीपूर्ण पत्र आएपछि सलमान खानको सुरक्षामा कडाइ गरिएको छ। यही धम्कीका बीच अभिनेताले आफ्नो आउँदो फिल्मको सुटिङ जारी राख्ने निर्णय गरेका छन्। यही कारण अभिनेता आफ्नो प्रोडक्सन हाउसमा निर्माण हुन लागेको फिल्म ‘भाइजान’ को सुटिङका ​​लागि हैदरावादबाट मुम्बई प्रस्थान गरेका हुन्। यहाँ उनको २५ दिनको तालिका छ। उल्लेखनीय छ, सलमानको आउँदो फिल्ममा उनका भाई आयुष र जहीर इकबाल पनि देखिने भएका छन्। तर, अहिले आयुष शर्मा र जहीर इक्बर यस फिल्मको हिस्सा छैन। यो फिल्मको सुटिङ आयुषले शुरु गरेको बताइएको छ। तर, रचनात्मक भिन्नताका कारण आयुषले ‘भाइजान’ छोडेका छन्। ‘भाइजान’ मा सलमान खान बाहेक अलावा पूजा हेगडे, राघव जुयाल र तेलुगु अभिनेता वेंकटेश दग्गुबाती पनि मुख्य भूमिकामा छन्। फिल्मलाई फरहाद सामजीले निर्देशन गर्दैछन्। फिल्म ३० दिसम्बरमा सिनेमाघरमा रिलिज हुँदैछ।