सिलगढी: यसपालीको केन्द्रीय बजेटलाई स्वागत जनाउँदै सांसद राजु बिस्टले प्रधानमन्त्री नरेन्द्र मोदी र वित्तमन्त्री निर्मला सीतारमणलाई धन्यवाद जनाएका छन्l अमृत् कालको पहिलो बजेटले ‘सप्तर्षि प्राथमिकताहरू’द्वारा भारतलाई विकसित राष्ट्रमा रूपान्तरण गर्ने परिकल्पना गर्ने उनले बताएका छन्l समावेशी विकास, अन्तिम माइल व्यक्तिसम्म पुग्न, पूर्वाधार र लगानी, सम्भावना, हरित वृद्धि, युवा शक्ति र वित्तीय क्षेत्रलाई मुक्त गर्दै। यस बजेट महिला सशक्तिकरण र दिगो हरित वृद्धि मार्फत भारतको विकासलाई रेखांकित गर्ने र जसले भारतलाई हरित ऊर्जा, हरित प्रविधिमा विश्व नेता बनाउने उनको भनाइ छ। 

‘पारदर्शी, भ्रष्टाचारमुक्त सरकार र भ्रष्टाचारमुक्त देशको प्रधानमन्त्री मोदीजीको सपना अन्ततः साकार हुँदैछ। २०२२ मा १२६ लाख करोड रुपियाँको ७४०० करोड भन्दा बढी डिजिटल भुक्तानीहरू गरिएको थियो। यसले भारतीय अर्थतन्त्रको औपचारिकीकरणलाई पनि झल्काउँछ। विभिन्न सरकारी सुविधाबाट वञ्चित भएका आर्थिक तथा सामाजिक रूपमा सीमान्तकृतहरूले अन्ततः आफ्नो खातामा सिधै रकम जम्मा गर्न थालेका छन्’, विज्ञप्तिमा उनले भनेका छन्। उनले भने, ‘हालसम्म, हाम्रो सरकारले १०२ करोड व्यक्तिहरूलाई २२० करोड कोभिड खोप, ४७.८ करोड प्रधानमन्त्री जन धन ब्यांक खाताहरू, प्रधानमन्त्री सुरक्षा बीमा र प्रधानमन्त्री जीवन ज्योति योजना अन्तर्गत ४४.६ करोड व्यक्तिहरूको लागि बीमा कभर, ११.४ भन्दा बढीलाई २.२ लाख करोड रुपैयाँ नगद स्थानान्तरण प्रदान गरेको छ। प्रधानमन्त्री किसान सम्मान निधिअन्तर्गत करोडौं किसानहरू, स्वच्छ भारत मिशनअन्तर्गत ११.७ करोड घरधुरी शौचालयहरू, उज्ज्वलाअन्तर्गत ९.६ करोड एलपीजी जडानहरू प्रदान गरिएको छ। हाम्रो सरकारले कुनै पनि भारतीय नागरिक घरबारविहीन नहोस् भन्ने कुरा सुनिश्चित गर्न प्रधानमन्त्री आवास योजनाका लागि ७९ हजार करोड रुपियाँ विनियोजन गरेको छl’

केन्द्र सरकारले मध्यमवर्गीय र वेतनभोगी वर्गलाई ठूलो राहत दिँदै ७ लाखसम्म आय भएका व्यक्तिलाई कुनै पनि कर तिर्नु नपर्ने व्यवस्था गरेको उनले बताएका छन्। यसले करको आधारमा अधिकतम वृद्धि र नागरिकहरूको हातमा थप डिस्पोजेबल आय सुनिश्चित गर्न लामो यात्रा गर्ने साथै बजेटले वृद्ध र ज्येष्ठ नागरिकका लागि ठूलो राहत र सहयोग पनि समावेश गरेको अनि उनले बताएका छन्। यो बजेटले युवाहरूलाई पीएम कौशल विकास योजना ४.० मार्फत ठूलो अवसर प्रदान गर्ने, र जसले उद्योग ४.० को लागि कोडिङ, एआई, रोबोटिक्स, मेकाट्रोनिक्स, आईओटी, थ्रीडी प्रिन्टिङ, ड्रोन, जस्ता नयाँ युग पाठ्यक्रमहरू कभर गरी आउँदो तीन वर्षभित्र लाखौं युवाहरूलाई सीप प्रदान गर्ने सांसद राजु बिस्टले बताएका छन्l  उनले भने, ‘युवाहरूलाई अन्तर्राष्ट्रिय अवसरहरूको लागि सीप बनाउन विभिन्न राज्यहरूमा ३० कौशल भारत अन्तर्राष्ट्रिय केन्द्रहरू स्थापना गरिनेछ। प्यान-इद्निया राष्ट्रिय प्रशिक्षुता प्रवर्द्धन योजनाअन्तर्गत प्रत्यक्ष लाभ स्थानान्तरण तीन वर्षमा ४७ लाख युवाहरूलाई स्टाइफन्ड सहयोग प्रदान गर्न रोल आउट गरिनेछ। देशभर १५७ नयाँ नर्सिङ कलेज स्थापना गरिनेछ। ७४० एकलव्य नमूना आवासीय विद्यालयका लागि ३८ हजार ८ सय शिक्षक र सहायक कर्मचारी भर्ना गरिनेछl’

केन्द्र सरकारले ‘पूँजी लगानी’लाई लगातार तेस्रो वर्ष ३३ प्रतिशतले बढाएर १० लाख करोड रुपियाँ पुर्‍याएको बताउँदै १३.७ लाख करोड रुपियाँको प्रभावी पुँजीगत खर्च सुनिश्चित गर्ने उनले बताएका छन्। सांसद राजु बिस्टले भने, ‘यो बजेट हाम्रो दार्जीलिङ पहाड, तराई-डुअर्स क्षेत्रका लागि विशेष लाभदायक छ, कारण केन्द्र सरकारले भाइब्रन्ट भिलेज कार्यक्रमद्वारा सीमावर्ती गाउँहरूमा पर्यटनको  पूर्वाधार र सुविधाहरू विकास गर्नेछ। केन्द्र सरकारले कम्तीमा ५० पर्यटकीय गन्तव्यलाई आन्तरिक तथा बाह्य पर्यटकका लागि पूर्ण प्याकेजका रूपमा विकास गर्ने प्रस्ताव गरेको छl’ म आशावादी छु कि यताका क्षेत्र ती ५० गन्तव्यहरूमा समावेश हुनेबारेमा आफू आशावादी रहेको उनले बताएका छन्।