रेलिङ्ग युनाइटेड एसोसिएशनको तत्त्वावधानमा आयोजित रेलिङ्ग च्याम्पियन्स ट्रफी फूटबल टुर्नामेण्टको तेस्रो सीजनमा एमएमएफसी निरपानीले सेमिफाइनलमा स्थान बनायो। सोमवार खेलिएको चरम रोमाञ्चक म्याचमा एमएमएफसी निरपानीले सिक्किमको रेड पाण्डा (नाम्ची)-लाई टाईब्रेकरमा ५-४-ले पराजित गऱ्यो। नियमित समयको खेलमा स्कोर १-१-को बराबरीमा रहेको थियो। नियमित समयमा एमएमएफसी निरपानीबाट गिल्सन लिम्बुले ४१औं मिनटमा गोल गरे। त्यसपछि प्रकाश छेत्रीले ४५औं मिनटमा गोल गरी रेड पाण्डालाई १-१-को बराबरीमा पुऱ्याए। विजेता टीमका खेलाड़ी गिल्सन लिम्बुलाई प्लेयर अव् द म्याच चयन गरियो। टुर्नामेण्टमा जम्मा १६ वटा नामी-दामी टीमहरूलाई प्रवेश दिइएको छ। दुईवटा सेमिफाइनल २१ र २२ जनवरीमा खेलिनेछ। यसरी नै फाइनल २५ जनवरीमा हुनेछ। यस सेभेन ए साइड नक्आउट टुर्नामेण्टमा च्याम्पियन हुने टीमलाई आकर्षक ट्रफीको साथमा ३ लाख रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई आकर्षक ट्रफीको साथमा २ लाख रुपियाँको नगद पुरस्कार प्रदान गरिनेछ।