कोलकता: त्रेता युगमा जसरी सागर तटमा स्वर्गबाट गंगा ओर्लेर राजा सागरका साठी हजार छोरालाई मकर संक्रान्तिको दिन स्पर्श गरेर मोक्ष दिएका थिए, त्यही सागर मकर संक्रान्तिको शुभ मुहूर्तमा शनिवार ३१ लाख श्रद्धालुहरूले स्नान गरे। हुन त शनिवार बिहान ६:५३ बजीदेखि पुण्य स्नानको शुभ मुहूर्त शुरू भयो जुन आइतवार साँझ ६:५३ बजीसम्म जारी रहनेछ। शनिवार बिहान ६ बजीदेखि श्रद्धालुहरूले स्नान गर्न शुरू गरेका थिए। कपिल मुनि आश्रमका महन्त ज्ञानदासले भने, शनिवार बिहान ६ बजीदेखि ठूलो संख्यामा तीर्थ यात्रीहरूले गंगासागरमा स्नान शुरू गरेका थिए। देश-विदेशबाट पुगेका लाखों महिला-पुरुष र युवाहरूका साथै नागा, नाथ र अन्य सम्प्रदायका साधुहरूले पनि यस सागर तटमा मोक्ष प्राप्तिको आसमा स्नान गरे। पुण्य स्नानको अवधि ४८ घण्टा निर्धारित गरिएको छ।

राज्यका बिजुली मन्त्री अरूप विश्वासले भने, ३१ लाखभन्दा धेरै तीर्थ यात्रीले पवित्र स्नान गरिसकेका छन्। आगामी दुई दिनमा अझ भीड लाग्नेछ। प्रशासनले आइतवार साँझसम्म श्रद्धालुहरूको संख्या बढेर ५० लाख पुग्न सक्ने बताएको छ। यसपाली पुण्य स्नानको लग्न रातिको समय पनि रहेको छ, यस कारण जिल्ला प्रशासनले अतिरिक्त रूपमा ३३ हाई मास्ट लाइट र ९० ल्याम्प पोस्ट लगाएक छन्। उनले भने, गंगासागरमा यसपाली ई-दर्शन र ई- बाथको पनि सुविधा छ, जसमा धेरै संख्यामा मानिसहरू सामेल भइरहेका छन्।