कोलकाता: ‘हामी अवश्य अनुब्रत मण्डललाई दिल्ली लैजानेछौं’, भाजपा प्रदेश अध्यक्ष सुकान्त मजुमदारले बाँकुरामा पञ्चायती सम्मेलनलाई सम्बोधन गर्दै यसो भने। सोमबार पार्टीको विष्णुपुर सांगठनिक जिल्ला बाँकुरा–२ नम्बर मण्डलले आह्वान गरेको ‘पञ्चायती कार्यकर्ता सभा’मा उनी सहभागी भएका थिए। कार्यक्रमपछि पत्रकारसँग कुरा गर्दै उनले भने, ‘शत्रुघ्न सिन्हालाई कसैले गम्भीरतापूर्वक लिएको छ? जब उनले फेरि ‘खामोश’ भन्यो, सबै चुप लाग्नेछन्l’ बन्दे भारत एक्सप्रेसमा ढुङ्गा हानेको बारेमा भाजपा प्रदेश अध्यक्षले भने, ‘यो एकदमै दु:खद घटना होl’ उनले यस घटनाका दोषीहरूलाई कारबाही गर्न आग्रह गरे। कसैको नाम नलिई उनले भने, ‘भारतको प्रगति सहन नसक्ने केही मानिस छन्। उनीहरू यही देशमा बस्न चाहन्छन्, तर अरू देशको गुणगान गाउँछन्l’ कार्यक्रममा पार्टीका प्रदेश अध्यक्ष सुकान्त मजुमदार, विष्णुपुरका भाजपा सांसद सौमित्र खान, बाँकुरा र विष्णुपुरका जिल्ला अध्यक्ष सुनील रुद्र मण्डल, बिलेश्वर सिन्हालगायतको उपस्थिति थियो।