जम्मु: पीपल्स डेमोक्र्याटिक पार्टी (पीडीपी) प्रमुख मेहबुबा मुफ्तीले धर्म निरपेक्षतालाई बलियो बनाउन र देशमा एकता प्रवर्द्धन गर्न ‘भारत जोडो यात्रा’ शुरु गरेकोमा कांग्रेस नेता राहुल गान्धीलाई सलाम गरेकी छिन्। मेहबुबा मुफ्तीले गएको सात–आठ वर्षमा धर्म निरपेक्षताको जगमा क्षति पुगेको दाबी गरिन्। उनले पूर्वप्रधानमन्त्री अटल बिहारी बाजपेयीलाई श्रद्धाञ्जली अर्पण गरेकोमा राहुल गान्धीको प्रशंसा गरिन्।

‘भारतलाई एकतावद्ध गर्न र देशमा धर्म निरपेक्षता र भाइचारालाई सुदृढ र प्रोत्साहित गर्नको लागि भारत जोडो यात्रा शुरु गरेकोमा हामी राहुल गान्धीलाई सलाम गर्छौं’, जम्मू कश्मीरका पूर्व मुख्यमन्त्रीले आफ्नो पार्टीको मुख्यालयमा पत्रकारहरूलाई भनिन्। उनले भाजपा नेतृत्वको केन्द्र सरकारलाई देशको धर्मनिरपेक्ष आधारलाई कमजोर र भंग गरेकोमा आलोचना गरिन्। राहुल गान्धीले बाजपेयीलाई श्रद्धाञ्जली अर्पण गरेकोमा, पीडीपी प्रमुखले भनिन्, ‘आफ्ना विरोधीहरूलाई पनि सम्मान गर्नु राम्रो उदाहरण हो। यो देशको संस्कार हो, प्रतिद्वन्द्वीलाई पनि श्रद्धाञ्जली दिइन्छ… यद्यपि यो अहिले हराइरहेको छl’ महबुबा मुफ्तीले बाजपेयीलाई उनको जन्मजयन्तीमा श्रद्धाञ्जली अर्पण गर्दै आफू सधैं राजनीतिभन्दा माथि रहेको बताइन्।