सिलगढी: दार्जिलिङ जिल्लामा १८ जनवरीदेखि शुरू हुने भारत जोड़ो यात्रामा सामेल हुनको लागि राहुल गाँधीलाई कङ्ग्रेस युवा मोर्चाले निमन्त्रणा गरेको छ। हालमा कङ्ग्रेस नेता राहुल गाँधीको नेतृत्वमा भारत जोड़ो यात्रा शुरू गरिएको छ।यस यात्रा वर्तमान राजस्थानमा पुगेको छ। आगामी १८ जनवरीमा यो यात्रा दार्जिलिङ जिल्लामा ‘सागर से पहाड़ तक यात्रा’ अर्थात् पहाड़देखि सागरसम्म नामले शुरु हुनेछ। यस यात्रामा राहुल गाँधीलाई सामेल हुनको लागि दार्जिलिङ जिल्ला युवा कङ्ग्रेसको तर्फबाट आमन्त्रित गरिएको छ। राजस्थानको अलवरमा चलिरहेको भारत जोड़ो यात्रामा दार्जिलिङ जिल्ला युवा कङ्ग्रेस अध्यक्ष रोहित तिवारीको नेतृत्वमा एउटा प्रतिनिधि दल सामेल भएका छन्। यस अवधि रोहित तिवारीले राहुल गाँधीलाई दार्जिलिङ जिल्लामा शुरू गरिने भारत जोड़ो यात्रामा सामेल हुनको लागि आमन्त्रित गरेका छन्। दार्जिलिङ जिल्ला युवा कङ्ग्रेस अध्यक्ष रोहित तिवारीले भने, राहुल गाँधीको नेतृत्वमा भारत जोड़ो यात्रालाई साधारण मानिसहरूले समर्थन गरिरहेको छ। यसैले दार्जिलिङ जिल्ला युवा कङ्ग्रेसको एउटा प्रतिनिधि दल राजस्थानको अलवरमा भारत जोड़ो यात्रामा सामेल भएका छन्।