युनाइटेड मञ्जु फूटबल क्लबको तत्त्वावधानमा आयोजित मणि खवास स्मृति नक्आउट फूटबल टुर्नामेण्टमा शनिवार पहिलो सेमिफाइनल म्याच खेलियो। मञ्जु खेल मैदानमा आज भएको म्याचमा कृष्ण सेभेनले लाली गुराँस स्पोर्टिंग क्लब, खोप्रेललाई २-१-ले पराजित गऱ्यो। विजेता टीमबाट सौरभ सुब्बा र दिवस उरावँले गोल गरे। यसरी नै लाली गुराँस एससी-बाट बिक्कुले १ गोल गरे। अब आइतवार हुने दोस्रो सेमिफाइनलमा पशुपति इलेभेन (नेपाल) र भोला सेभेन (सिंगबुली)-बीच भिड़न्त हुनेछ । फाइनल १७ दिसम्बरमा हुनेछ। यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा १ लाख २० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा ८० हजार रुपियाँको नगद पुरस्कार प्रदान गरिनेछ।