गान्तोक। मुख्यमन्त्री प्रेमसिंह तामाङले बाल दिवसको अवसरमा सबैलाई हार्दिक बधाई तथा शुभकामना व्यक्त गर्दै आजका बालबालिका भारतको भविष्य भएको बताए। देशका प्रथम प्रधानमन्त्री जवाहरलाल नेहरूको जन्मजयन्तीलाई बाल दिवसका रूपमा मनाइन्छ। आजको सन्देशमा मुख्यमन्त्रीले पण्डित जवाहरलाल नेहरूका भनाइलाई उद्धृत गर्दै आजका बालबालिकाले भोलिको भारत बनाउनेछन्, उनीहरूलाई हामीले कसरी पालनपोषण गर्छौँ त्यसले भारतको भविष्य तय गर्नेछ। उनले बालबालिकाको हक, शिक्षा र हितका बारेमा चेतना जगाउने काममा समेत केन्द्रित रहेको बताउँदै मुख्यमन्त्रीले बालबालिका भोलिका निर्माता र निर्माणकर्ता भएकाले उनीहरुको व्यक्तित्व र दृष्टिकोणले हाम्रो देशको भविष्य निर्धारण गर्ने बताए। यसका लागि हामीले उनीहरुको उर्जा, चाहना र क्षमताको पालनपोषण गरी उनीहरु आफैंको उत्कृष्ट संस्करण बन्न सक्ने गरी मार्गदर्शन गर्नुपर्छ। मुख्यमन्त्रीले बालबालिकाको प्रगतिका लागि सरकारले सक्दो सहयोग गर्ने बताउनुभएको छ। यस अवसरमा उनले बालबालिकाहरु दक्ष र लक्ष्य हासिल गर्ने दृढ संकल्प बनोस् र प्रगति र समृद्धिको मार्गमा अगुवा बनून् भन्ने कामना पनि गरेका छन्।