वेलिंगटन: भारतले जसप्रीत बुमराहको उत्कृष्ट बलिंगको सहायताले शुरुवाती सफलता हासिल गरे पनि न्यूजील्याण्डले असाधारण पुनरागमन गर्दै पहिलो टेस्ट म्याचको पहिलो दिन आफ्नो स्थिति मजबूत बनायो। बिहीवार पहिलो दिनको खेल समाप्त हुँदासम्म न्यूजील्याण्डले आफ्नो पहिलो ईनिंग्समा ५ विकेट गुमाएर २४३ रन बनायो। एक समय केवल ७० रनमा ५ विकेट गुमाए पनि न्यूजील्याण्डले हेनरी निकोल्स र ग्लेन फिलिप्सको लड़ाकू ईनिंग्सको सहायताले असाधारण पुनरागमन गर्दै भारतको चिन्ता बढ़ायो। निकोल्सले शतक बनाए भने फिलिप्स शतकको नजिक पुगिसकेका छन्। पहिलो दिनको खेल समाप्त हुँदासम्म निकोल्स ११३ रनमा अविजित रहे। उनले २२१ बल खेलेर १४ वटा चौका लगाइसकेका छन्। यसरी फिलिप्स १८२ बल खेलेर ९४ रनमा अविजित छन्। उनले १३ वटा चौका लगाइसकेका छन्। पहिलो भारतीय बलरहरूमा सफलतम जसप्रीत बुमराहले ३ विकेट हासिल गरे। यसबाहेक अंशुल कम्बोज र आकाश दीपको खातामा १-१ विकेट रह्यो। वेलिंगटनको बेसिन रिजर्भमा टस जितेर भारतीय कप्तान शुभमन गिलले पहिला बलिंग गर्ने फसेला गरे। दिनको पहिलो सत्रमा बुमराहको अगुवाईमा पेस बलरहरूले उनको फसेलालाई सही साबित पनि गरे। बुमराहले म्याचको तेस्रो बलमै विपक्षी कप्तान टम लाथमलाई बोल्ड गरी भारतलाई पहिलो सफलता दिलाए, जसले खाता पनि खोलेनन्। त्यसको लगत्तै पछि कम्बोजले डेवोन कन्वे (४ रन)-को विकेट पनि लिए। विकेटकीपर रिषभ पन्तले कन्वेको क्याच लिए। यसरी १२ रनको स्कोरमै न्यूजील्याण्डले आफ्नो दुवै ओपनरलाई गुमायो। त्यसपछि निकोल्सले धैर्यको साथ खेले पनि न्यूजील्याण्डले अर्को प्रान्तमा लगातार विकेट गुमायो। आकाश दीपले रचिन रवीन्द्र (१५)-लाई आउट गरी न्यूजील्याण्डलाई तेस्रो झट्का दिए।

ब्याटिंगको निम्ति चुनौतीपूर्ण परिस्थितिहरूबीच बुमराहले फेरि लगातार २ विकेट हासिल गर्दा न्यूजील्याण्ड दबाउमा पऱ्यो। उनले अनुभवी डेरिल मिचेललाई चाँड़ै आउट गरे, जसले केवल १ रन बनाए। त्यसपछि टम ब्लण्डेल पनि केवल ५ रन बनाएर बुमराहको तेस्रो शिकार हुँदा न्यूजील्याण्डको स्कोर ७० रनमा ५ विकेट रहेको थियो। भारतीय बलरहरूका विध्वंशी मिजासलाई देख्दा न्यूजील्याण्डको पहिलो ईनिंग्स सस्तैमा समेटिने प्रतीत भइरहेको थियो तर निकोल्स र फिलिप्सले असाधारण ब्याटिंग गरेर समस्त हिसाब-किताबलाई उल्टा गरे। यी दुईजनाले मिलेर दोस्रो र तेस्रो सत्रमा भारतीय बलरहरूलाई शास्ती दिए। पाँचौं विकेटको पतनपछि यी दुईजनाले न्यूजील्याण्डलाई दिनको अन्तसम्म थप नोक्सानको सम्मुखीन हुनदेखि बचाए। यस अवधि निकोल्सले आफ्नो १२औं टेस्ट शतक पनि पूरा गरे। यसरी फिलिप्सले पनि असाधारण लयमा ब्याटिंग गर्दै कुनै असुविधा बिना रन बनाए। यी दुईजनाले छैटौं विकेटको निम्ति ३२२ बलमा १७३ रनको साझेदारी गरिसकेका छन्। शतक पूरा गरेपछि निकोल्सले जीवनदान पनि पाए जब ७३.३ ओभरमा प्रसिद्ध कृष्णाको बलिंगमा देवदत्त पडिक्कल र रिषभ पन्तबीच तालमेलको कमीले गर्दा उनको क्याच फुत्कियो। त्यस समय निकोल्सले १०२ रन बनाएका थिए। बुमराहलाई छोड़ेर आज अन्य सबै बलरले छाप छोड़न सकेनन्। भारतलाई मोहम्मद सिराजको कमी अनुभव हो, जसलाई भारतले पहिलो टेस्टको प्रथम एकादशमा स्थान दिएन।





