हेमिल्टन: न्यूजील्याण्डले पाँचौं तथा अन्तिम टी२० म्याचमा पनि उत्कृष्ट प्रदर्शन गर्दै भारतलाई ७ विकेटले पराजित गऱ्यो। अन्तिम २ वटा म्याचमा निराशाजनक हारको सम्मुखीन भए पनि भारतले ५ वटा टी२० म्याचको सीरीज ३-२-ले जित्यो। भारतले सीरीजको पहिलो ३ वटा म्याच जितेर सीरीजमा अजेय बढ़त हासिल गरेपछि रहल २ वटा म्याचमा हारको सामना गर्नु पऱ्यो, जुन श्रेयस अय्यरको कप्तानीमा रहने टोलीको निम्ति चिन्ताको विषय हो। सेडोन पार्कमा आइतवार टस हारेर पहिला ब्याटिंग गर्दै भारतले खराब शुरुवातपछि ईशान किशन (६१) र कप्तान श्रेयस अय्यर (५० रन)-को अर्द्धशतकको सहायताले २० ओभरमा ८ विकेट गुमाएर १९१ रन बनायो। त्यसपछि न्यूजील्याण्डले टिम साइफर्ट (९३) र लयमा रहने ग्लेन फिलिप्स (अविजित ६५ रन)-को अर्द्धशतकको सहायताले १८ ओभरमै ३ विकेटमा १९५ रन बनाएर म्याच जित्यो। चुनौतीपूर्ण लक्ष्यलाई पीछा गर्दै न्यूजील्याण्डले ओपनर फिन एलनको विकेट दोस्रो ओभरमै गुमायो, जसले केवल २ रन बनाए। केवल ९ रनमा पहिलो विकेटको पतनपछि साइफर्टले न्यूजील्याण्डलाई सम्हाले। उनले डेरिल मिचेलसँग मिलेर दोस्रो विकेटको निम्ति ७३ रनको साझेदारी गरे। मिचेल १६ बलमा ४ वटा छक्काको सहायताले २९ रन बनाएर वरुण चक्रवर्तीको शिकार बनाए। दोस्रो विकेटको पतनपछि साइफर्टले ग्लेन फिलिप्ससँग मिलेर म्याचलाई नियन्त्रणमा राखे। यी दुईजनाले भारतीय बलरहरूलाई भरपूर शास्ती दिँदै तेस्रो विकेटको निम्ति ८६ रनको साझेदारी गरी न्यूजील्याण्डलाई जीतको संघारमा पुऱ्याए। शतकको नजिक पुघेर साइफर्ट १६औं ओभरमा आउट भए। उनले ५० बलको सामना गरी ११ वटा चौका र ५ वटा छक्काको सहायताले ९३ रन बनाए। साइफर्ट आउट भएपछि फिलिप्सले बेभोन जेकब्स (अविजित १)-सँग मिलेर टोलीलाई जीत दिलाए। फिलिप्सले ८ वटा चौका र ३ वटा छक्काको सहायताले ३८ बलमा अविजित ६५ रन बनाए। भारतीय बलरहरूमा अर्शदीप सिंह, वरुण र नितिश कुमार रेड्डीले १-१ विकेट लिए।
यसअघि टस हारेर पहिला ब्याटिंग गर्दै भारतको शुरुवात खराब रह्यो अनि १९ रनको स्कोरसम्म दुवै ओपनर आउट भए। यसमा सञ्जु सेमसनले ४ र अभिषेक शर्माले १ रन बनाए। निराशाजनक शुरुवातपछि भारतको निम्ति ईशान किशन र कप्तान श्रेयसले लड़ाइँ शुुरु गरे। यी दुईजनाले असल लयमा ब्याटिंग गर्दै तेजीको साथ रन बनाए। ईशान र श्रेयसले तेस्रो विकेटको निम्ति ९३ रनको साझेदारी गरे। यी दुईजना क्रीजमा रहँदासम्म भारत २२०-२३० रनको स्कोरसम्म पुग्ने लागिरहेको थियो तर दुवै लगातार अन्तरालमा आउट हुँदा भारतलाई ठूलो झट्का लाग्यो। ईशानले ३२ बलमा ५ वटा चौका र ५ वटा छक्काको सहायताले ६१ रन बनाए। यसरी श्रेयसले २३ बलमा ४ वटा छक्का र ३ वटा चौकाको सहायताले ५० रन बनाए। उपकप्तान तिलक वर्मा आज पनि फ्लप भए, जसले केवल ६ रन बनाउन सके। अन्तमा नमन धीर र नितिश रेड्डीले साथमा मिलेर लड़ाकू ब्याटिंग गर्दै भारतलाई सम्मानजनक स्कोरसम्म पुऱ्याए। यी दुईजनाले छैटौं विकेटको निम्ति ४६ रन जोड़े। नमन धीरले २३ बलमा ३३ रन बनाए, जसमा ४ वटा चौका र एउटा छक्का सामेल छ। यसरी नितिश रेड्डीले १७ बलमा २२ रन बनाए। भुवनेश्वर कुमारले ६ रनको योगदान दिए। न्यूजील्याण्डका बलरहरूमा एडम मिल्नेले सर्वाधिक ४ विकेट लिए, जसले प्लेयर अफ द म्याचको पुरस्कार जिते।