भाजपा सिक्किम एसटी मोर्चाका अध्यक्ष कर्मा सोनाम भुटियाद्वारा नयाँ दिल्लीमा समन्वय बैठक

​नयाँ दिल्ली। आगामी ‘जनजातीय गौरव दिवस २०२६’ को तयारीका सिलसिलामा भारतीय जनता पार्टी (भाजपा) सिक्किम एसटी मोर्चाका अध्यक्ष कर्मा सोनाम भुटियाले नयाँ दिल्लीमा आयोजित समन्वय बैठकमा सहभागिता जनाउनुभएको छ।
​बैठकका क्रममा अध्यक्ष भुटियाले भाजपाका राष्ट्रिय सङ्गठक नरेन्द्रनाथ त्रिपाठीबाट बहुमूल्य मार्गदर्शन तथा आशीर्वाद ग्रहण गर्नुभएको थियो। सोही अवसरमा उहाँले एसटी मोर्चाका राष्ट्रिय सचिवद्वय प्रदीप कोइनिया र मदन राईसँग भेटघाट तथा छलफल गर्नुभएको छ।
​राष्ट्रिय नेतृत्वको मार्गदर्शन र प्रोत्साहनबाट प्रेरित भई अध्यक्ष भुटियाले सिक्किममा जनजातीय गौरव दिवसका कार्यक्रमहरूलाई भव्य रूपमा सफल बनाउने प्रतिबद्धता व्यक्त गर्नुभएको छ। साथै, उहाँले जनजातीय समाजको कल्याण, अधिकार र सशक्तीकरणका लागि आफ्नो समर्पणलाई अझ सुदृढ बनाएर लैजाने बताउनुभएको छ।