राज्यपालद्वारा विद्यार्थीहरूका लागि ‘गाडी’ हस्तान्तरण

​गान्ताेक: सिक्किमका माननीय राज्यपाल ओम प्रकाश माथुरसँग आज लोकभवनमा सुश्री बुद्धि माया तामाङको नेतृत्वमा वनवासी कल्याण आश्रमको एक प्रतिनिधिमण्डलले शिष्टाचार भेट गर्यो।
​यस अवसरमा माननीय राज्यपालले आश्रमका विद्यार्थीहरूलाई आवतजावतमा सहज र सुरक्षित होस् भन्ने उद्देश्यले आफ्नो विवेकाधीन कोष बाट एउटा वाहन (गाडी) प्रदान गर्नुभएको छ।
​भेटघाटका क्रममा सुश्री बुद्धि माया तामाङ तथा कल्याण आश्रमका पदाधिकारीहरूले राज्यपाल माथुरलाई आश्रमद्वारा सञ्चालित विभिन्न सामाजिक, शैक्षिक तथा जन-कल्याणकारी गतिविधिहरूबारे जानकारी गराए। राज्यपालको यस परोपकारी सहयोगप्रति प्रतिनिधिमण्डलले उहाँप्रति गहिरो आभार व्यक्त गरेको छ।