नयाँ दिल्ली: अमेरिकी ओपनका आयोजकहरूले स्विट्जरल्याण्डका दिग्गज टेनिस खेलाड़ी रोजर फेडररले एण्डी रडिकविरुद्ध प्रदर्शनी म्याचमा हिस्सा लिने पुष्टि गरेका छन्। म्याच एक सेटको हुनेछ कारण फ्लशिंग मिडोजमा आयोजन गरिने यस खास रातको कार्यक्रममा टेनिसका धेरै दिग्गजहरूले हिस्सा लिनेछन्। फेडरर र रडिकबीच एक सेटको म्याचपछि पुरुष युगल म्याच खेलिनेछ। पुरुष युगलमा फेडररले ४ पल्टका अमेरिकी ओपन च्याम्पियन जन म्याकनरोसँग जोड़ी बनाएर खेल्नेछन् जबकि प्रतिद्वन्द्वीको रूपमा रडिक र २ पल्टका अमेरिकी ओपन विजेता आन्द्रे आगासीको जोड़ी रहनेछ। सालको चौथो तथा अन्तिम ग्राण्ड स्ल्याम अमेरिकी ओपनका आयोजकहरूद्वारा जारी बयानमा भनिएको छ, केवल एक रातको निम्ति, लगातार ५ पल्ट अमेरिकी ओपन च्याम्पियन रहने अनि टेनिसका दिग्गज रोजर फेडरर न्यूयोर्क फर्किरहेका छन्। उनले मंगलवार (२५ अगस्त) अर्थर ऐश स्टेडियममा फ्लडलाइट्समा एउटा खास प्रदर्शनी म्याचमा हिस्सा लिनेछन्। उनले २००३-का अमेरिकी ओपन च्याम्पियन तथा आफ्नो पुरानो प्रतिद्वन्द्वी एण्डी रडिकको साथ-साथ टेनिसका अन्य दिग्गजहरू तथा अमेरिकी ओपन च्याम्पियन आन्द्रे आगासी र जन म्याकनरोसँग खेल्नेछन्। उल्लेखनीय छ, २०२२-मा टेनिसबाट सन्न्यास लिने फेडरर अमेरिकी ओपनको इतिहासमा सफलतम् खेलाड़ीहरूमा एक हुन्। उनले फ्लशिंग मिडोजमा ५ पल्ट खिताब जितेका छन्। ओपन एरामा यो रेकर्ड पीट सम्प्रास र जिमी कनर्सको साथ संयुक्त रूपले दर्ता छ। फेडरर अमेरिकी ओपनमा २००४-देखि २००८-सम्म लगातार ५ साल च्याम्पियन रहेका थिए। यसरी रडिकले २००३-मा जुआन कार्लोस फरेरोलाई पराजित गरी अमेरिकी ओपनको खिताब जितेका थिए। ग्राण्ड स्ल्याम म्याचहरूमा उनको फेडररसँग ८ पल्ट भिड़न्त भएको थियो तर प्रत्येकपल्ट स्विस् दिग्गजले जीत हासिल गरेका थिए। म्याकनरोले आफ्नो करियरमा ७ वटा ग्राण्ड स्ल्याम खिताब जितेका थिए अनि न्यूयोर्कमा उनी ४ पल्ट च्याम्पियन रहेका थिए। उनले १९७९, १९८०, १९८१ र १९८४-मा अमेरिकी ओपनको खिताब जितेका थिए। आगासीले आफ्नो करियरमा ८ वटा मेजर खिताब जिते, जसमा उनी १९९४ र १९९९-मा अमेरिकी ओपन विजेता रहेका थिए। अमेरिकी ओपन २०२६ को शुरुवात सोमवार क्वालीफाईंग राउण्ड र मिक्स्ड डबल्सको साथ हुनेछ जबकि मुख्य ड्र ३० अगस्तदेखि शुरु हुनेछ।