भने: ‘मानसिक स्थिति ठिक छैन’

​नयाँ दिल्ली: भारतीय कांग्रेसका नेता राहुल गान्धीले प्रधानमन्त्री नरेन्द्र मोदीको विदेश नीतिको आलोचना गर्दै ‘गले भेट्नु (अङ्कमाल गर्नु) नै विदेश नीति होइन’ भनेपछि भारतीय जनता पार्टी (बीजेपी) ले तीव्र पलटवार गरेको छ। बीजेपी सांसद निशिकान्त दुबेले राहुल गान्धीको मानसिक स्थितिमाथि प्रश्न उठाउँदै उनलाई काँके (राँचीस्थित मानसिक अस्पताल) पठाउनुपर्ने टिप्पणी गरेका छन्।
​नयाँ दिल्लीमा आयोजित कांग्रेसको पूर्ण अधिवेशनलाई सम्बोधन गर्दै राहुल गान्धीले प्रधानमन्त्री मोदीले विदेशी नेताहरूसँग व्यक्तिगत सम्बन्ध गाँस्न खोजे पनि देशको हितमा काम गर्न नसकेको आरोप लगाएका थिए। सम्बोधनका क्रममा गान्धीले मञ्चमा रहेका कांग्रेस नेता सन्दीप दीक्षितलाई अङ्कमाल गरेपछि दीक्षितले ठट्टा गर्दै “तपाईंले मलाई इटलीकी प्रधानमन्त्री जर्जिया मेलोनी सम्झेर त अङ्कमाल गर्नुभएको होइन?” भनी टिप्पणी गरेका थिए।
​सोही भिडियो क्लिप सामाजिक सञ्जालमा सेयर गर्दै बीजेपी सांसद दुबेले लेखेका छन्, “तपाईंहरूलाई लाग्छ राहुल गान्धीको मानसिक स्थिति ठिक छ? झारखण्डको राँचीमा रहेको काँके (मानसिक अस्पताल) उहाँका लागि उपयुक्त ठाउँ हो।”
​आफ्नो सम्बोधनका क्रममा राहुल गान्धीले चीनसँगको सीमा विवाद, गलवान भिडन्त र इरानको मुद्दा उठाउँदै केन्द्र सरकारको विदेश नीति पूर्ण रूपमा असफल भएको र देशलाई भित्रैबाट कमजोर बनाएको दाबी समेत गरे।
​