ग्लास्गो: भारतकी स्टार भारोत्तोलक हरजिन्दर कौरले राष्ट्रमण्डल खेलहरू २०२६-मा महिलाहरूकी ६९ किग्रा वर्गमा असाधारण प्रदर्शन गर्दै रजत पदक जितिन्। करियरको सर्वश्रेष्ठ प्रदर्शन गर्ने हरजिन्दरले पदक जितेपछि त्यसलाई आफ्नो परिवारलाई समर्पित गरिन् अनि भारतीय वेट लिफ्टिंग महासंघ र सरकार प्रति आभार व्यक्त गरिन्। पञ्जाबकी २८ वर्षीय हरजिन्दरले स्न्याचमा १०१ किग्रा र क्लीन एण्ड जर्कमा १३६ किग्राको ओजन उठाइन्। यसरी समग्रमा २७७ किग्रा ओजन उठाएर उनले आफ्नो करियरको सर्वश्रेष्ठ प्रदर्शन गरिन्। क्यानाडाकी शार्लोट सिमोनोले जम्मा २४० किग्रा ओजन उठाएर स्वर्ण पदक जितिन्। हरजिन्दरले स्न्याच राउण्डमा असाधारण शुरुवात गरिन्। उनले पहिलो प्रयासमा ९६ किग्रा, दोस्रो प्रयासमा ९९ किग्रा र अन्तिम प्रयासमा १०१ किग्रा ओजन उठाएर राष्ट्रमण्डल खेलहरूको रेकर्ड २ पल्ट तोड़िन्। त्यसपछि क्लीन एण्ड जर्कमा १२० किग्रा र १२६ किग्रा ओजन उठाएर उनी केही समयको निम्ति स्वर्ण पदकको दौड़मा पनि अघि रहेकी थिइन्। त्यसपछि क्यानाडाकी भारोत्तोलकले क्लीन एण्ड जर्कमा १३२ किग्रा ओजन उठाएर स्वर्ण पदक सुनिश्चित गरिन्। हरजिन्दरले यसअघि २०२२ बर्मिंघम खेलहरूमा काँस्य पदक जितेकी थिइन्। हरजिन्दर कौरको रजत पदकको साथ राष्ट्रमण्डल खेलहरू २०२६-मा भारतको जम्मा पदक संख्या १२ पुगेको छ। यसमा २ वटा स्वर्ण, ७ वटा रजत र ३ वटा काँस्य पदक सामेल छ। यसमा भारतले भारोत्तोलनमा एउटा स्वर्णसहित सर्वाधिक ७ वटा पदक जितेको छ।