नयाँ दिल्ली: विश्व कप २०२६-मा निराशाजनक प्रदर्शनपछि जर्मनी फूटबल टोलीले नयाँ युगको शुरुवात गर्न गइरहेको छ। प्रीमियर लीग क्लब लिभरपूलका पूर्व म्यानेजर युर्गेन क्लपलाई जर्मन पुरुष फूटबल टोलीको नयाँ प्रशिक्षक नियुक्त गरिएको छ। जर्मन फूटबल महासंघ (डीएफबी)-ले यसको आधिकारिक घोषणा गरेको छ। क्लपको जर्मन फूटबल टोलीसँग अनुबन्ध २०३० फिफा विश्व कपसम्म रहनेछ। जर्मनीको लक्ष्य आउँदो प्रमुख टुर्नामेण्टहरूमा टोलीलाई फेरि विश्व फूटबलको शीर्ष ताकत बनाउने रहेको छ। विश्व कप २०२६-को राउण्ड अफ ३२-मा प्याराग्वेविरुद्ध पेनल्टी शूटआउटमा हारको सामना गरेपछि जर्मनीका पूर्व प्रशिक्षक जूलियन नगेल्समेनले पदबाट राजीनामा दिएका थिए। त्यसपछि क्लपलाई यस पदको निम्ति सबैभन्दा मजबूत दावेदार मानिएको थियो। जर्मनीको टोलीले २०१४-मा विश्व कप जितेपछि अहिलेसम्म कुनै पनि पुरुष विश्व कपमा नक्आउट म्याच जित्न सकेको छैन। लगातार खराब प्रदर्शनपछि टीममा नयाँ नेतृत्वको कमी अनुभव गरिएको थियो। विश्व कपको अवधि युर्गेन क्लप न्यूयोर्कमा टीभी विशेषज्ञको रूपमा काम गरिरहेका थिए। त्यही समय उनको जर्मन फूटबल महासंघका अधिकारीहरूसँग कुराकानी भएको थियो। महासंघले ११ जुलाईमा क्लपसँग अनुबन्धको प्रमुख बिन्दुहरूमाथि सहमति बनेको जानकारी दिएको थियो। उल्लेखनीय छ, क्लपले २०२४-मा लिभरपूल क्लब छोड़ेका थिए। त्यस समय उनले लगातार कामको थकानले गर्दा ब्रेक लिन क्लब छोड़ेको बताएका थिए। त्यसपछि उनले रेड बुलको वैश्विक फूटबल नेटवर्कमा हेड अफ ग्लोबल सकरको भूमिका निर्वाह गरिरहेका थिए। क्लपले हालै उनी अहिले सम्पूर्ण रूपले तरोताजा अनुभव गरिरहेको अनि फेरि कोचिंगको जिम्मेवारी सम्हाल्न तयार रहेको बयान दिएका थिए। अब उनी समक्ष जर्मनीलाई फेरि विश्व फूटबलको महाशक्तिको रूपमा स्थापित गर्ने कठिन चुनौती रहनेछ।