न्यूयोर्क: फिफा विश्व कप २०२६-को फाइनलमा स्पेनले अतिरिक्त समयको खेलमा अर्जेण्टिनालाई १-०-ले पराजित गरी खिताब जित्यो। त्यसपछि पुरस्कार वितरण समारोहमा स्पेनका कप्तान रोड्रीले गोल्डन बल पुरस्कार हासिल गरे। रोड्रीलाई गोल्डन बल पुरस्कार दिइएको लगत्तै पछि यस फसेलालाई केन्द्र गरेर बहस शुरु भयो। धेरै मानिसहरूले अर्जेण्टिनाका कप्तान लियोनल मेस्सीलाई उनको असाधारण प्रदर्शनले गर्दा यस सम्मानको हकदार बताएका छन्। टुर्नामेण्टको व्यक्तिगत पुरस्कारहरूमा च्याम्पियन स्पेन टीमको वर्चस्व रह्यो। रोड्रीले गोल्डन बल, गोलकीपर उनाइ सिमोनले गोल्डन ग्लभ्स र युवा डिफेण्डर पाउ कुबार्सीले उदीयमान खेलाड़ीको पुरस्कार जिते। यसबीच रोड्री गोल्डन बल लिन मञ्चमा पुग्नको साथ स्टेडियममा मेस्सी….मेस्सी….को नारा गुञ्जियो। यसले फूटबल प्रशंसकहरूका एउटा वर्ग यस फसेलासँग सहमत नरहेको स्पष्ट भयो। मेस्सीले पूरा टुर्नामेण्टमा ८ वटा गोल र ४ वटा असिस्टको साथ अर्जेण्टिनालाई लगातार दोस्रोपल्ट फाइनलमा पुऱ्याउनमा महत्त्वपूर्ण भूमिका निर्वाह गरेका थिए। मेस्सीलाई टुर्नामेण्टमा रेकर्ड ५ पल्ट प्लेयर अफ द म्याच चयन गरियो। अन्तमा उनी गोल्डन बूटको दौड़मा दोस्रो स्थानमा रहे। उनलाई सिल्वर बलको साथमा सिल्वर बूट पनि प्राप्त भयो। रोड्रीले पूरा टुर्नामेण्टमा स्पेनको कप्तानी गर्दै सबै ८ वटा म्याचमा खेलेर मीडफिल्डबाट टीमलाई नियन्त्रित गरे। उनको नामसँग कुनै ठूलो व्यक्तिगत आँकड़ा नजोड़िए पनि स्पेनको खेलको केन्द्र रोड्री नै रहे अनि टीमलाई च्याम्पियन बनाउनमा महत्त्वपूर्ण भूमिका निर्वाह गरे। फिफाको टेक्निकल स्टडी ग्रुपले स्पेनको च्याम्पियन बन्ने गोरेटोमा रोड्रीको समग्र प्रभावलाई मेस्सीको आक्रामक प्रदर्शनभन्दा अधिक महत्त्व दियो। यसैकारण रोड्री गोल्डन बल जित्न सफल भए।
व्यक्तिगत पुरस्कारहरूमा रोड्रीले गोल्डन बल, मेस्सीले सिल्वर बल र फ्रान्सीकी कप्तान किलियन एम्बाप्पेले ब्रोञ्ज बल जिते। यसरी पूरा टुर्नामेण्टमा १० गोल गर्ने एम्बाप्पेले गोल्डन बूट जिते। यसरी मेस्सीले ८ गोलको साथ सिल्वर बूट र ईंग्ल्याण्डका जूड बेलिंघमले ७ गोलको साथ ब्रोञ्ज बूट जिते। पूरा टुर्नामेण्टमा केवल एक गोल खाने स्पेनिश टीमका गोलकीपर उनाइ सिमोनले गोल्डन ग्लभ्स पुरस्कार जिते। उनको नाममा सातवटा क्लीन शीट रह्यो। यसरी स्पेनकै १९ वर्षीय पाउ कुबार्सीले सर्वश्रेष्ठ उदीयमान खेलाड़ीको पुरस्कार जिते। प्रतिष्ठित फिफा फेयर प्ले ट्रफी नीदरल्याण्ड्सले जित्यो। डच टीमले पूरा टुर्नामेण्टमा ४ वटा म्याच खेलेर केवल ३ वटा पहेंलो कार्ड देख्यो।