​दार्जिलिङ: दार्जिलिङका लोकसभा सांसद राजु विष्टले नेपालीहरूको मौलिक चाड साउने सङ्क्रान्तिको पावन अवसरमा सम्पूर्ण आम नागरिकहरूमा हार्दिक शुभकामना व्यक्त गर्नुभएको छ।
​आफ्नो आधिकारिक सामाजिक सञ्जालमार्फत शुभकामना सन्देश साझा गर्दै सांसद विष्टले साउने सङ्क्रान्तिलाई बर्खा यामको मध्य विन्दु, हरियालीको उत्सव, प्रकृतिको आराधना, र धरतीप्रति कृतज्ञता ज्ञापन गर्ने विशेष दिनको रूपमा चित्रण गर्नुभएको छ।
​सांसद विष्टले यस पर्वले सबैको जीवनमा नयाँ ऊर्जा, अपार माया, र अथाह सफलता ल्याओस् भन्ने कामना गर्नुभएको छ। साथै, उहाँले सबैको जीवन सुख, शान्ति, समृद्धि र सुस्वास्थ्यले भरिपूर्ण भई जीवन थप फक्रियोस् र महकियोस् भन्दै आत्मीय मंगलमय शुभकामना प्रकट गर्नुभएको छ।