सभामुख रथिन बोसद्वारा उद्घाटन

​सिलगढी: सिलगढीस्थित इस्कोन मन्दिरमा बिहीबार ३७औं रथयात्रा उत्सव भव्य उत्साह र हर्षोल्लासका साथ मनाइएको छ। यस मन्दिरका अतिरिक्त यस क्षेत्रका अन्य विभिन्न स्थानहरूमा पनि रथयात्रा निकालिएको थियो।
​मन्दिर परिसरमा आयोजित विशेष समारोहमा पश्चिम बंगाल विधानसभाका सभामुख रथिन बोस मुख्य अतिथिका रूपमा सहभागी भएका थिए। कार्यक्रममा डाबग्राम-फुलबारीकी विधायक शिखा चटर्जी, दार्जिलिङका जिल्ला मजिस्ट्रेट हरिशंकर पाणिकर, भाजपा सिलगढी संगठनात्मक जिल्ला अध्यक्ष अरुण मण्डल र भाजपाका जिल्ला उपाध्यक्ष दीपाङ्कर अरोरा लगायतका विशिष्ट व्यक्तिहरूको उपस्थिति थियो।
​उपस्थित अतिथिहरूले रथको डोरी तानेर रथयात्राको औपचारिक उद्घाटन गरेका थिए। मन्दिर परिसरबाट सुरु भएको रथको यात्राले सिलिगुडी सहरका विभिन्न मार्गहरूको परिक्रमा गरेको थियो।
​रथयात्राका कारण सिलगढीभर उत्सवमय र धार्मिक वातावरण छाएको छ। बिहीबार बिहानैदेखि मन्दिर परिसरमा पूजाअर्चना गर्न र रथयात्रामा सहभागी हुन ठूलो संख्यामा भक्तजनहरूको भीड लागेको थियो।