नयाँ दिल्ली: दुईपल्टकी ओलम्पिक पदक विजेता पीभी सिन्धूले बिहीवार चीनकी विश्वकी पाँचौं नम्बरकी खेलाड़ी हान यू लाई सीधा गेममा पराजित गरी जापान ओपन सुपर ७५० ब्याडमिण्टन टुर्नामेण्टको क्वार्टर फाइनलमा प्रवेश गरिन्, जुन उनको यस सीजनको सर्वश्रेष्ठ प्रदर्शन पनि हो। विश्व ऱ्याङकिंगमा १०औं स्थानमा रहने भारतीय खेलाड़ीले दोस्रो राउण्डको म्याचमा आफूभन्दा उच्च ऱ्याङकिंग भएकी चीनकी शट्लरलाई केवल ३५ मिनटमा २१-१६, २१-१४-ले पराजित गरिन्। गैर-वरीयता प्राप्त सिन्धूले धीमा शुरुवातपछि पहिलो गेमको बीचमा फर्म हासिल गरिन्। उनले शटललाई सटीक तरिकाले हिट गरिन् अनि ऱ्यालीहरूमा उत्कृष्ट प्रदर्शन गर्दै बढ़त हासिल गरिन्। त्यसपछि पूर्व वर्ल्ड च्याम्पियन सिन्धूले दोस्रो गेममा शुरुदेखि नै आफ्नो वर्चस्व कायम गरिन् अनि ८-०-को बढ़त हासिल गरेपछि सजिलै म्याच जितिन्। यस जीतको साथ सिन्धूले हानविरुद्ध आफ्नो रेकर्ड ८-१ पुऱ्याइन्। यस ३१ वर्षीय खेलाड़ीको क्वार्टर फाइनलमा जापानकी नोजोमी ओकुहारासँग भिड़न्त हुनेछ, जसले शीर्ष वरीयता प्राप्त दक्षिण कोरियाकी खेलाड़ी आन से-यंगले दोस्रो राउण्डको म्याचबाट हट्ने फसेला गर्दा वक्ओभर पाइन्। तनीशा क्रास्टो र ध्रुव कपिलाको मिश्रित युगल जोड़ी प्री-क्वार्टर फाइनलमा पराजित भएपछि अब टुर्नामेण्टमा सिन्धू एकमात्र भारतीय खेलाड़ी बाँचेकी छन्। तनीशा र ध्रुवको जोड़ीलाई चीनका हुआंग डोंग पिंग र फेंग यान झेको शीर्ष वरीयता प्राप्त जोड़ीले ४७ मिनटमा २२-२०, २१-१७-ले पराजित गऱ्यो।