गान्ताेक: ​सिक्किमको अपर लिङ्गी, दारा खर्क मणिपुर गाउँमा गत २७ जुन २०२६ का दिन आएको भीषण पहिरोका कारण विस्थापित भएका परिवारहरूको अवस्था बुझ्न सिक्किम डेमोक्रेटिक फ्रन्ट (एसडीएफ) को एक प्रतिनिधिमण्डलले राहत शिविरहरूको भ्रमण गरेको छ। पहिरोका कारण विस्थापित ३६ घरधुरी हाल दारा खर्क सरकारी प्राथमिक पाठशाला र पर्यटन केन्द्रमा निर्माण गरिएका अस्थायी राहत शिविरहरूमा आश्रय लिइरहेका छन्।
​भ्रमणका क्रममा एसडीएफ प्रतिनिधिमण्डलले शिविरमा रहेका प्रभावित परिवारहरूसँग प्रत्यक्ष कुराकानी गरी उनीहरूको समस्या र आवश्यकताका बारेमा जानकारी लिएको थियो। सो अवसरमा पीडित परिवारहरूलाई तत्काल राहत स्वरूप खाद्यान्न (रासन) र कम्बल लगायतका आवश्यक सामग्रीहरू वितरण गरिएको पार्टी प्रवक्ता योजना खालिङले जानकारी दिएकी छन्।
​”विपद्को यस घडीमा एसडीएफ पार्टी सम्पूर्ण पीडित परिवारहरूको साथमा छ। उनीहरूलाई सुरक्षित स्थानमा स्थायी रूपमा पुनर्वास गराइनुपर्छ भन्ने मागमा हाम्रो पूर्ण समर्थन छ।”