३ करोड मूल्यको प्रतिबन्धित ‘याबा’ ट्याब्लेटसहित तीन जना पक्राउ

​गुवाहाटी: लागूऔषध विरुद्धको अभियानमा असम पुलिसले पुनः एकपटक ठूलो सफलता हासिल गरेको छ। कडा निगरानी र सक्रियताका कारण पुलिसले करिब ३ करोड रुपैयाँ बजार मूल्य बराबरको ३०,००० वटा प्रतिबन्धित ‘याबा’ ट्याब्लेट जफत गरेको छ।
​यस अवैध कारोबारमा संलग्न रहेको आरोपमा पुलिसले तीन जना तस्करहरूलाई नियन्त्रणमा लिएको छ।
असमका मुख्यमन्त्री हिमन्त विश्व सरमाले सामाजिक सञ्जालमार्फत यस सफल अपरेशनको जानकारी दिँदै श्रीभूमि पुलिसको प्रशंसा गर्नुभएको छ।
​मुख्यमन्त्री शर्माले व्यङ्ग्यात्मक शैलीमा लेख्नुभएको छ, “हरेक ढुवानीको एउटा गन्तव्य हुन्छ, तर यस पटकको गन्तव्य भने पुलिस स्टेशन बन्यो।” उनले अगाडि थप्दै लेखेका छन्, “३०,००० याबा ट्याब्लेट बरामद गरी तीन अभियुक्तलाई पक्राउ गरेकोमा श्रीभूमि पुलिसलाई धन्यवाद। असम पुलिसको सतर्कताका कारण लागूऔषधको अवैध व्यापार बीचैमा रोकिएको छ।”
​असम सरकारको ‘ड्रग्स विरुद्धको अभियान’ अन्तर्गत पुलिसले पछिल्लो समय राज्यभर आफ्नो सक्रियता तीव्र पारेको छ। पक्राउ परेका व्यक्तिहरूमाथि थप अनुसन्धान भइरहेको पुलिसले जनाएको छ।