नयाँ दिल्ली: आईपीएल २०२७ शुरु हुन अहिले धेरै समय रहेको छ तर त्यसअघि एउटा ठूलो ट्रेडले क्रिकेट जगतमा खलबली मचाएको छ। दिल्ली क्यापिटल्स र लखनऊ सुपर जाइण्ट्स (एलएसजी)-बीच भएको हाई-प्रोफाइल खेलाड़ीहरूका आदान-प्रदानमा रिषभ पन्त आफ्नो पुरानो टीम दिल्ली क्यापिटल्समा फर्किरहेका छन्। यसरी स्टार स्पिनर कुलदीप यादवले दिल्ली छोड़ेर एलएसजी-को जर्सी लगाउनेछन्। यस ट्रेडमा सबैभन्दा धेर चर्चा पन्तको वेतनलाई लिएर भइरहेको छ। आईपीएलले पन्त १५ करोड़ रुपियाँमा दिल्ली क्यापिटल्समा सामेल भएको जनाएको छ। लखनऊमा उनको वेतन रेकर्ड २७ करोड़ रुपियाँ थियो। उनलाई आईपीएल २०२५-को लिलामीमा एलएसजी-ले रेकर्ड २७ करोड़ रुपियाँमा खरीद गरेको थियो। यसरी उनी आईपीएल इतिहासको सबैभन्दा महँगो खेलाड़ी पनि बनेका थिए। पन्तलाई लखनऊको फ्रेञ्चाइजीले टीमको कप्तान पनि बनाएको थियो तर गत २ सीजनमा निराशाजनक प्रदर्शनपछि उनलाई टीमबाट निकालिएको छ। यसअघि लखनऊले पूर्व कप्तान केएल राहुलसँग पनि यस्तै गरेको थियो। यसरी दिल्ली क्यापिटल्समा फर्किने पन्तको वेतनमा १२ करोड़ रुपियाँको भारी कटौती हुनेछ। यसरी लखनऊले कुलदीपलाई १३.५ करोड़ रुपियाँँमा हासिल गरेको छ। पन्तलाई दिल्ली क्यापिटल्सले कप्तान पनि नियुक्त गर्न सक्छ। गत २ सीजनमा अक्षर पटेलले टीमको कप्तानी गरेका थिए तर दिल्लीको प्रदर्शन असल रहेको थिएन। पन्तले दिल्ली क्यापिटल्ससँग असल सम्बन्ध रहेको छ। उनले दिल्ली फ्रेञ्चाइजीको साथ नै आफ्नो आईपीएल करियर शुरु गरेका थिए। उनी पछि टीमका कप्तान पनि बनेका थिए। उनी २०१६-देखि २०२४-सम्म लगातार ९ सीजन यस फ्रेञ्चाइजीको हिस्सा रहे अनि यस अवधि उनले १११ वटा म्याच खेले, जुन कुनै पनि खेलाड़ीद्वारा दिल्ली क्यापिटल्सको निम्ति खेलिएको सर्वाधिक म्याच हो। पन्तले २०२१-देखि २०२४-सम्म ४ सीजनमा ४३ वटा म्याचमा टीमको कप्तानी गरे। आक्रामक ब्याटिंग र नेतृत्व क्षमताले गर्दा उनी लामो समयसम्म दिल्लीको पहिचान बनिरहे। कार दुर्घटना र खेलमा पुनरागमनपछि उनी एलएसजी-मा सामेल भएका थिए तर एकपल्ट फेरि उनी आफ्नो प्यारो फ्रेञ्चाइजीमा फर्किएका छन्। यसरी कुलदीपको पनि दिल्ली क्यापिटल्ससँग यात्रा असाधारण रह्यो। २०२२-मा फ्रेञ्चाइजीमा सामेल भएपछि उनले ५ सीजनमा ६५ वटा म्याच खेलेर ७२ विकेट हासिल गरे। यस अवधि कुलदीप आईपीएलमा सबैभन्दा प्रभावशाली स्पिनरहरूमा सामेल रहे। यसपाली उनी १३.५० करोड़ रुपियाँको वर्तमान फीसमा लखनऊ फ्रेञ्चाइजीमा सामेल भएका छन्।