राज्य सरकारको पूर्ण सहयोग रहने आश्वासन

​गान्तोक: मुख्यमन्त्री प्रेमसिंह तामाङसित आज ब्लाक क्याट डिभिजनका जीओसी मेजर जनरल आशिष नेगी (वीएसएम)-ले उनको सरकारी निवासमा शिष्टाचार भेटघाट गरेका छन्।
​भेटघाट अवधि मेजर जनरल नेगीले देशको सुरक्षा अनि राष्ट्रिय महत्त्वका विभिन्न धेरै वटा कसिलो र जरुरी विषयहरूमाथि मुख्यमन्त्री महोदयलाई विस्तृत रूपमा जानकारी गराए।
​भेटघाटपछि मुख्यमन्त्रीले आफ्नो आधिकारिक सामाजिक सञ्जालमार्फत यसरी साझा गरेका छन्: ​”आज मेरो सरकारी निवासमा ब्लाक क्याट डिभिजनका जीओसी, मेजर जनरल आशिष नेगी, वीएसएम-ले भेट गर्नुभयो। बातचितको क्रममा उहाँले मलाई राष्ट्रिय सुरक्षासित जोडिएका कतिपय महत्त्वपूर्ण विषयहरूबारे अवगत गराउनुभयो। देशको रक्षा, सुरक्षा अनि विकासमा टेवा पुऱ्याउने हरेक पाइला र प्रयासहरूमा राज्य सरकारको तर्फबाट हरदम पूर्ण सहयोग अनि साथ रहने मैले उहाँलाई आश्वासन दिएको छु। यसका साथै, आगामी दिनहरूमा उहाँको कार्यकाल निकै सुखद् र उपलब्धिमूलक बनोस् भनी मैले मनैदेखि शुभकामना पनि टक्ऱ्याएको छु।”
​मुख्यमन्त्री र जीओसीबीचको यो भेटघाटलाई देशको सीमा सुरक्षा र राज्य अनि सेनाबीचको आपसी समन्वयलाई अझ बलियो बनाउने दिशामा एउटा ठुलो र सकारात्मक कडीको रूपमा हेरिएको छ।