‘सिक्किम प्रकृति र दिगो विकासको उत्कृष्ट उदाहरण’

​गान्तोक: मुख्यमन्त्री प्रेम सिंह तमांगले विश्व पर्यावरण दिवसको अवसरमा सिक्किमेली जनतालाई हार्दिक शुभकामना व्यक्त गर्नुभएको छ। आफ्नो सामाजिक सञ्जाल मार्फत एक सन्देश जारी गर्दै उहाँले सिक्किमको प्राकृतिक सौन्दर्य र दिगो विकासप्रतिको प्रतिबद्धतालाई उजागर गर्नुभएको हो।
​मुख्यमन्त्री गोलेले सिक्किमको अद्वितीय प्राकृतिक बनोटको चर्चा गर्दै भन्नुभएको छ:
​”विशाल पहाड, कञ्चन नदी, समृद्ध जैविक विविधता र जीवन्त वनजङ्गलले आशिर्वाद पाएको सिक्किम प्रकृति र दिगो विकासबीचको सामंजस्यको एउटा उत्कृष्ट उदाहरण हो। भारतकै सबैभन्दा पर्यावरण-सचेत राज्यहरूमध्ये एक भएकाले पारिस्थितिक सन्तुलन कायम राख्न र आफ्नो प्राकृतिक सम्पदाको रक्षा गर्न हाम्रो प्रतिबद्धता सधैं झन् मजबुत रहनेछ।”
​यस विशेष अवसरमा उहाँले राज्यका नागरिकहरूलाई पर्यावरण संरक्षणप्रतिको सामूहिक जिम्मेवारीलाई पुनः आत्मसात गर्न आग्रह गर्नुभयो। आउने पुस्ताका लागि सफा, हरियो र स्वस्थ भविष्य निर्माण गर्न दिगो बानीहरू अपनाउँदै सबैलाई मिलेर काम गर्न उहाँले आह्वान समेत गर्नुभएको छ।
​सन्देशको अन्त्यमा मुख्यमन्त्री गोलेले भन्नुभएको छ, “विश्व पर्यावरण दिवसले हामी सबैलाई धर्ती माताको कदर, रक्षा र संवर्द्धन गर्ने प्रेरणा दियोस्।”