जकार्ता: भारतकी स्टार ब्याडमिण्टन खेलाड़ी तथा २ पल्टकी ओलम्पिक पदक विजेता पीभी सिन्धूको इण्डोनेशिया ओपन २०२६-मा यात्रा समाप्त भयो। उनले प्री-क्वार्टर फाइनलमा विश्वकी नम्बर १ खेलाड़ी तथा वर्तमान ओलम्पिक च्याम्पियन दक्षिण कोरियाकी एन से यंगविरुद्ध २१-१७, २१-१४-ले हारको सामना गर्नु पऱ्यो। यसरी सिन्धूले एन से यंगविरुद्ध लगातार दोस्रो हप्ता हारको सामना गर्नु पऱ्यो। म्याचको अवधि सिन्धूले केही मौकाहरूमा असाधारण खेल देखाइन् तर उनले त्यसलाई पूरा म्याचमा कायम राख्न सकिनन्। दक्षिण कोरियाकी स्टार खेलाड़ीले महत्त्वपूर्ण मौकाहरूमा असल नियन्त्रण देखाउँदै म्याच जितिन्। सिन्धूले गत हप्ता सिंगापुर ओपनको क्वार्टर फाइनलमा पनि एन से यंगविरुद्ध नै हारको सामना गर्नु परेकी थियो। यस हारपछि सिन्धूको एन से यंगविरुद्ध रेकर्ड अझ खराब भयो। यी दुई खेलाड़ीबीच अहिलेसम्म १० वटा म्याच खेलिएको छ अनि प्रत्येकपल्ट सिन्धूले हारको सामना गर्नु परेको छ। गत केही सालदेखि चोट र फर्ममा उतार-चड़ाउसँग जुझ्ने सिन्धूको निम्ति यो सीजन निक्कै महत्त्वपूर्ण मानिएको छ। इण्डोनेशिया ओपनमा चाँड़ै बाहिर भए पनि प्रशंसकहरूलाई आउँदो ठूलो टुर्नामेण्टहरूमा सिन्धूले असल प्रदर्शन गर्ने आशा रहेको छ।