मुम्बई: भारतीय क्रिकेट कण्ट्रोल बोर्ड (बीसीसीआई)-ले घरेलु क्रिकेट सीजन २०२६-२७-को कार्यक्रम घोषणा गरेको छ। आउँदो घरेलु सीजनमा पुरुष र महिला वर्गको विभिन्न आयु श्रेणीहरू अनि प्रारूपहरूमा जम्मा १,७७८ वटा म्याच खेलिनेछ। यो सीजन २३ अगस्तदेखि प्रतिष्ठित दलीप ट्रफीको साथ शुरु हुनेछ। बीसीसीआईले बताएअनुसार, घरेलु संरचनालाई अझ मजबूत बनाउने, खेलाड़ीहरूलाई असल प्रतिस्पर्धात्मक माहौल दिन तथा सबै प्रारूपहरूमा सन्तुलित प्रगति सुनिश्चित गर्ने उद्देश्यले यस सीजनको क्यालेण्डर तयार गरिएको छ। घरेलु क्रिकेटको रेड बल सीजनको शुरुवात दलीप ट्रफीको साथ हुनेछ, जसमा ६ वटा क्षेत्रीय टीमले हिस्सा लिनेछन्। त्यसपछि १ अक्टोबरदेखि ईरानी कपको आयोजन गरिनेछ। ईरानी कपपछि रणजी ट्रफी र कर्णल सीके नायजू ट्रफीलाई २ चरणहरूमा आयोजित गरिनेछ, जसले खेलाड़ीहरूलाई पर्याप्त आराम प्राप्त हुनेछ अनि घरेलु क्रिकेटमा मल्टी डे क्रिकेटलाई प्राथमितता दिन सकिनेछ। रणजी ट्रफी एलीट ग्रुपमा ३२ वटा टीम रहनेछन्। यसमा ४ वटा ग्रुप हुनेछ। प्लेट ग्रुपमा ६ वटा टीमले हिस्सा लिनेछन्। सीके नायडू ट्रफी विजेता र रेष्ट अफ इण्डिया टीमबीच पनि म्याच हुनेछ। यो म्याच १-देखि ४ अक्टोबरसम्म खेलिनेछ। यसरी अण्डर-२३ टुर्नामेण्ट अब टी२० प्रारूपमा हुनेछ। आधुनिक क्रिकेटको आवश्यकताहरूलाई ध्यानमा राखेर बीसीसीआईले ठूलो बद्लाउ गरेको छ।