काेलकत्ता: मुम्बई इण्डियन्सका कप्तान हार्दिक पाण्ड्यामाथि आईपीएल २०२६-मा आचार संहिताको उल्लंघनको मामिलामा जरिमना लगाइएको छ। काेलकत्ता नाइट राइडर्स (केकेआर)-विरुद्ध म्याचको अवधि रिसले विकेटको बेल्स उछिट्याउनु हार्दिकको निम्ति महँगो साबित भयो। आईपीएलको तर्फबाट जारी बयान अनुसार, हार्दिकमाथि म्याच फीसको १० प्रतिशत जरिमाना लगाइनको साथै उनको अनुशासनात्मक खातामा १ डिमेरिट पोइण्ट पनि जोड़िएको छ। यो घटना केकेआर-को ईनिंग्सको १०औं ओभरको चौथो बलपछि भएको थियो। हार्दिक आफ्नो रन-अपमा फर्किरहेका थिए अनि त्यही समय उनले रिसले विकेटको बेल्सलाई हिर्काएका थिए। आईपीएलद्वारा जारी बयानमा भनिएको छ, हार्दिक पाण्ड्याले आईपीएल आचार संहिताको अनुच्छेद २.२-को उल्लंघन गरे, जुन म्याचको अवधि क्रिकेट उपकरण, ग्राउण्ड इक्वीपमेण्ट या फिटिंग्सको दुरुपयोगसँग सम्बन्धित छ। हार्दिकले आफ्नो गल्तीको साथमा म्याच रेफरी राजीव सेठद्वारा दिइएको शास्तीलाई स्वीकार गरेका छन्। नियमहरू अनुसार, कुनै खेलाड़ीको खातामा ४-देखि ७ डिमेरिट पोइण्ट रहे त्यस खेलाड़ीलाई एउटा म्याचको निम्ति निलम्बित गर्न सकिन्छ। मुम्बई इण्डियन्सको निम्ति आईपीएलको जारी सीजन चरम निराशाजनक रहेको छ। टीम प्लेअफ्-को रेसबाट अगावै बाहिर भइसकेको छ। मुम्बई इण्डियन्सले १३ वटा म्याच खेलेर केवल ४ वटा जितेको छ।