हिल तृणमूल मिरिक महकुमा समिति विघटन

मिरिक: हिल तृणमूल कंग्रेसको चेयरम्यान एलबी राई लगायत मिरिक महकुमाका सबैले सामुहिक राजिनामा दिएका छन्। यस क्रममा तृणमूल कंग्रेस मिरिक महकुमा अध्यक्ष अनिल छेत्री, मिरिक महकुमा सचिव शिशिर राई, पार्टी प्रतिनिधिहरू दिमुक तामाङ, सुरेस तामाङ, संगीत राई, युवा केन्द्रीय उपाध्यक्ष विकाश सुब्बा, विद्यार्थी संगठनका आर्यन छेत्री, साैरेनी ग्राम पञ्चायत दुईका कार्यकारी प्रधान रविन (रघु) तामाङ आदि लगायत मिरिकका तृणमूल कंग्रेस कार्यकर्ताहरूले सामूहिक राजीनामा दिएकाे घाेषणा गरेका छन्। उक्त सामूहिक राजीनामा पत्र हिल तृणमूल कंग्रेस जिल्ला अध्यक्षा शान्ता छेत्रीलाई पठाइएकाे छ।

गत विधानसभा चुनाउमा तृणमूल कंग्रेसकाे पराजयलाई स्वीकार गर्दै सबैले पद अनि पार्टीको साधरण सदस्यबाट राजीनामा दिएकाे बताइएकाे छ। सबै पार्टी पदाधिकारीहरु अनि सदस्यहरूकाे राजीनामासँगै तृणमूल कंग्रेसकाे सबै कमिटीहरू मिरिकमा विघटन गरिएकाे हिल तृणमूल कांग्रेस चेयरम्यान एंव मिरिक नगरपालिकाको चेयरम्यान लएलबी राईले बताएका छन्।