चेन्नई: हेनरिक क्लासेनलाई लिएर के उनी दक्षिण अफ्रिकाको निम्ति इण्टरनेशनल क्रिकेटमा फर्किनेछन् भन्ने प्रश्न उठ्न थालेको छ तर अहिले खेलाड़ी स्वयंले यस विवादमाथि विराम लगाएका छन्। वास्तवमा क्लासेनले उनी इण्टरनेशनल क्रिकेटमा नफर्किन स्पष्ट गरेका छन् अनि उनी आफ्नो फसेलामा कायम छन्। यस ३४ वर्षीय विस्फोटक ब्याटरले बताएअनुसार, उनले निक्कै सोचविचार गरी यस्तो फसेला लिएको अनि यसमा उनको परिवारको ठूलो भूमिका रहेको बताएका छन्। क्लासेनले गत वर्ष जूनमा दक्षिण अफ्रिकाको केन्द्रीय अनुबन्धबाट बाहिर भएपछि इण्टरनेशनल क्रिकेटबाट सन्न्यास लिएका थिए। त्यसपछि उनलाई विश्वभरि टी२० लीगहरूमा खेलिरहेको देखिएको छ, जसमा सनराइजर्स हैदराबादबाट उनको प्रदर्शन निक्कै चर्चामा रहेको छ। हालै आईपीएलको एउटा भीडियोमा साथी खेलाड़ी नीतिश कुमार रेड्डीसँग कुराकानीको क्रममा क्लासेनले यस फसेलामाथि खुलेर कुरा गरेका छन्। उनले भने, मैले २ हप्तासम्म यसमाथि चर्चा गरे अनि इण्टरनेशनल क्रिकेटमा नफर्किने फसेला गरे। क्लासेनले बताएअनुसार, यस फसेलापछि उनको परिवार ठूलो कारण बन्यो जबकि एक समय उनले फेरि देशको निम्ति खेल्ने मन बनाएका थिए। उनले भने, मेरो परिवारको यसमा ठूलो भूमिका रह्यो। मेरो साथीहरू टी२० वर्ल्ड कपमा असल खेलिरहेको समय मलाई म किन त्यहाँ छुइनँ भन्ने लागेको थियो। मेरो मनमा देशको निम्ति फेरि खेल्ने सोच आएको थियो तर लामो सोचविचारपछि मैले आफ्नो फसेलामा अटल रहने फसेला गरे। मैले कप्तान एडेन (मार्करम)-सँग यसबारे कुरा गरेको थिएँ। मलाई टीममा सामेल गरिए म अवश्यै फर्किनेछु भनेर मैले उनलाई भनेको थिएँ तर वर्ल्ड कपपछि यस्तो हुन नसक्ने मलाई अनुभव भयो। यसैकारण म इण्टरनेशनल क्रिकेटमा फर्किने छुइनँ। उल्लेखनीय छ, क्लासेनले २०२४-मै टेस्ट क्रिकेटबाट सन्न्यास लिएका थिए। त्यसपछि उनले सीमित ओभरहरूका प्रारूपबाट पनि पछि हट्ने फसेला गरे।