न्यू चण्डीगढ़: आईपीएल २०२६-को रोमाञ्चक म्याचमा पञ्जाब किंग्सले गुजरात टाइटन्सलाई ३ विकेटले पराजित गऱ्यो। म्याचमा टस हारेर पहिला ब्याटिंग गर्दै गुजरात टाइटन्सले २० ओभरमा ६ विकेट गुमाएर १६२ रन बनायो। त्यसपछि म्याच जित्न १६३ रनको लक्ष्यलाई अघि राखेर खेल्दै पञ्जाब किंग्सले केही उतार-चड़ाउपछि १९.१ ओभरमा ७ विकेटमा १६५ रन बनाएर म्याच जित्यो। गत सीजनको उपविजेता पञ्जाब किंग्सको निम्ति कूपर कोनोलीले अविजित ७२ रनको म्याच जिताउने ईनिंग्स खेले। अष्ट्रेलियाका यस ब्याटरले ४४ बल खेलेर ५ वटा चौका र ५ वटा छक्का लगाए। यसबाहेक ओपनर प्रभसिमरन सिंहले २४ बलमा ३७ रन बनाए, जसमा ४ वटा छक्का र एउटा चौका सामेल छ। केवल ७ रनमा पहिलो विकेटको पतनपछि कोनोली र प्रभसिमरनले मिलेर स्कोरलाई ८३ रनसम्म पुऱ्याए। त्यसपछि लगातार विकेटको पतन हुँदा एक समय पञ्जाब किंग्स समस्यामा परेको थियो तर कोनोलीले अन्तसम्म क्रीजमा अडिग रहेर टीमलाई जीत दिलाए। पञ्जाब किंग्सका कप्तान श्रेयस अय्यरले १८ रनको योगदान दिए। जेवियर बार्टलेट ११ रनमा अविजित रहे। गुजरातका बलरहरूमा प्रसिद्ध कृष्णाले सर्वाधिक ३ विकेट लिए। यसअघि टस हारेर म्याचमा पहिला ब्याटिंग गर्दै गुजरात टाइटन्सको निम्ति शीर्ष क्रममा सबैले असल शुरुवात गरे पनि कसैले ठूलो ईनिंग्स खेल्न सकेनन्। पञ्जाब किंग्सका बलरहरूले लगातार विकेट हासिल गरी टीमलाई म्याचमा कायम राखे। गुजरात टाइटन्सको निम्ति कप्तान शुभमन गिलले सर्वाधिक ३९ रन बनाए। उनले २७ बल खेलेर ६ वटा चौका लगाए। यसबाहेक जोस बटलरले ३८ र ग्लेन फिलिप्सले २५ रनको योगदान दिए। पञ्जाबका बलरहरूमा विजयकुमार व्याश्कले सर्वाधिक ३ विकेट लिए।