गुवाहाटी: आईपीएल २०२६-मा रविन्द्र जडेजाको जर्सीको रंग बदलिएको छ। जाडेजालाई चेन्नई सुपर किंग्स (सीएसके)-को पहेंलो जर्सीको बदली राजस्थान रोयल्सको गुलाबी रंगको जर्सीमा देखिएको छ। जडेजाको भनाइअनुसार, उनलाई गुलाबी जर्सीमा राम्रो लाग्छ। सोमवार बरसापारा क्रिकेट स्टेडियममा सीएसके-विरुद्ध म्याचमा जडेजाले असाधारण बलिंग गरे। सीएसके-को ईनिंग्स समाप्त भएपछि उनले आफ्नो बलिंगमाथि चर्चा गरे। म्याचमा जडेजाले एकै ओभरमा २ विकेट लिए। उनले सरफराज खान र शिवम दुबेको महत्त्वपूर्ण विकेट लिएर विपक्षी टीमलाई समस्यामा पारे। राजस्थानमा फर्किएपछिको अनुभव र आफ्नो बलिंगबारे उनले भने, मलाई गुलाबी जर्सीमा राम्रो देखिन्छ। म शिवम दुबेलाई लामो समयदेखि चिन्छु। उनीविरुद्ध नेट्समा धेरै बलिंग गरेको छु। यसैकारण स्पिनरहरूलाई कसरी खेल्छन् भन्ने मलाई थाहा छ। म पहिलादेखि नै तयार थिएँ अनि अफ् स्टम्प बाहिर बलिंग गर्ने कोशिश गरे। उनले मेरो बलिंगमा ठूलो शट् खेल्ने प्रयास गर्ने मलाई थाहा थियो। विकेटमा बल सामान्य टर्न भइरहेको हुनाले मलाई बलिंग गर्नु मजा लाग्यो। मेरो काम बललाई सही जगामा राख्नु अनि रहल काम पीचमाथि छोड़दिनु थियो। उल्लेखनीय छ, रविन्द्र जडेजाले आफ्नो आईपीएल करियरको शुरुवात राजस्थान रोयल्सबाट नै गरेका थिए। राजस्थानले शेन वार्नको कप्तानीमा २००८-मा आईपीएलको पहिलो सीजनमा खिताब जितेको थियो। जडेजा त्यस टीमका सदस्य थिए। उनी २०१२-मा सीएसके-मा सामेल भएका थिए अनि २०२५-सम्म टीमको हिस्सा रहे। यसबीच २०१६ र २०१७ सीजनमा चाहिँ उनी गुजरात लायन्सबाट खेलेका थिए।