खरसाङ: ईण्डियन एक्स भर्विसेस लिगको सभा सम्पन्न भएको छ। सभा खरसाङ अन्तर्गत सिटोङ, शेल्पु, रोलक अनि रोलक प्रशाखालाई भारतीय एक्स भर्विसेस लिगको लिएर सम्पन्न भएको छ। उक्त सभा संगठनको सभापति सुवेदार सन्तोष तामाङको अध्यक्षतामा सम्पन्न भएको छ। उक्त सभामा खरसाङ शाखाका सम्पूर्ण पदाधिकारीहरुको उपस्थिति रहेको थियो जसमा भारतीय एक्स भर्विसेस लिग खरसाङ शाखाका उप सभापति कप्तान कुमार भुजेल, सल्लाहकार कप्तान अदिप थापा, कप्तान बिमल प्रधान, सचिव पुरण थापा लगायत खरसाङ शाखाका सम्पूर्ण कार्यकारी सदस्यहरु साथै वीर नारीहरुको उपस्थिति रहेको थियो। सभामा सम्पूर्ण विषयहरुमाथि चर्चा परिचर्चा गरिएको छ। सभामा भविष्यमा भूतपूर्व सैनिकहरु एंव विधवा वीर नारीहरुले पाउन पर्ने सहुलियतहरु विषयमा चर्चा परिचर्चा गरिएको छ। अहिले संगठनको शुरुवात रहेको र आगामी दिनहरुमा खरसाङ शाखासित काँधमा काँध मिलाएर हरेक भूतपूर्व सैनिक र परिवार साथै वीर नारीहरुले पाउन पर्ने सहुलियतहरु विषयमा काम गरिने विषयमा सभामा चर्चा गरिएको छ। सभामा भूतपूर्व सैनिकहरुलाई एकबध्द गरेर बृहत् रुपमा संगठन बनाउने र एकबध्द भएर कार्य गर्ने खरसाङका पदाधिकारीहरुले आह्वान् गरेका छन्। सभाको सञ्चालन प्रशाखाका सचिव नायब सुबेदार निर्मल गुरुङले गरेका थिए। यस सभामा मुख्य वक्ताको रुपमा वक्ताको रुपमा खरसाङ शाखाका महासचिव पुरण थापा उपस्थित रहेका थिए।