लाटपञ्चर: लाटपञ्चर युनाइटेड फूटबल क्लबको तत्त्वावधानमा आयोजित लाटपञ्चर गोल्ड कप २०२५ फूटबल टुर्नामेण्टमा नर्थ बेंगल आर्म्ड पुलिसले फाइनलमा स्थान बनायो। लाटपञ्चर खेल मैदानमा बिहीवार भएको पहिलो सेमिफाइनल म्याचमा आर्म्ड पुलिसले युनाइटेड खरसाङ फूटबल क्लब यूकेएफसीविरुद्ध २-१-ले जीत हासिल गऱ्यो। विजेता टीमको तर्फबाट सनातन कर्मकारले १३औं र गणेश लिम्बुले २८औं मिनटमा गोल गरे। यसरी यूकेएफसीको तर्फबाट सोनम लेप्चाले १०औं मिनटमा गोल गरे। गणेश लिम्बुले प्लेयर अव् द म्याचको ट्रफी र नगद पुरस्कार जिते। शुक्रबार खेलिने दोस्रो सेमिफाइनलमा दलसिंगपाड़ा स्पोर्ट्स एकाडमी डीएसए र दार्जीलिङ पुलिसबीच भिड़न्त हुनेछ। टुर्नामेण्टमा स्थानीय शीर्ष टीमहरूको साथमा छिमेकी राज्य सिक्किम, केरल, छिमेकी देश भूटान र नेपालका जम्मा १४ वटा अग्रणी टीमले हिस्सा लिएको छ। टुर्नामेण्टको फाइनल १६ नोभेम्बरमा खेलिनेछ। टुर्नामेण्टमा च्याम्पियन हुने टीमलाई आकर्षक ट्रफीको साथमा १.५० लाख रुपियाँको नगद पुरस्कार प्रदान गरिनेछ। यसरी रनरअप हुने टीमलाई आकर्षक ट्रफीको साथमा १ लाख रुपियाँको नगद पुरस्कार प्रदान गरिनेछ।