केर्न्स (अष्ट्रेलिया): अष्ट्रेलियाले तेस्रो तथा निर्णायक टी२० इण्टरनेशनल म्याचमा दक्षिण अफ्रिकालाई २ विकेटले पराजित गरी ३ वटा म्याचको सीरीज पनि २-१ ले जित्यो। टस हारेर पहिला ब्याटिंग गर्दै दक्षिण अफ्रिकाले २० ओभरमा ७ विकेट गुमाएर १७२ रन बनायो। त्यसपछि अष्ट्रेलियाले १९.५ ओभरमा ८ विकेटमा १७३ रन बनाएर म्याच जित्यो। ग्लेन म्याक्सवेलले अविजित ६२ रन बनाएर अष्ट्रेलियालाई जीत दिलाए। उनले ३६ बल खेलेर ८ वटा चौका र २ वटा छक्का लगाए। यसबाहेक कप्तान मिचेल मार्शले ३७ बल खेलेर ५ वटा छक्का र ३ वटा चौकाको साथ ५४ रन बनाए। म्याचमा पहिला ब्याटिंग गर्दै दक्षिण अफ्रिकाले ४९ रनमै ३ विकेटको पतन भइरहेको थियो। रियान रिकेल्टन (१३) र लुहान-द्रे प्रिटोरियस (२४ रन)-को साथमा कप्तान एडन मार्करम १ रन बनाएर आउट भए। त्यसपछि दक्षिण अफ्रिकाको निम्ति युवा डेवाल्ड ब्रेविसले उत्कृष्ट ब्याटिंग गर्दै ६ वटा छक्का र एउटा चौकाको साथ ५३ रन बनाए। ब्रेविसले ट्रिस्टन स्टब्ससँग मिलेर चौथो विकेटको निम्ति ६१ रनको पार्टनरशीप गरे। रास्सी वान डेर डुस्सेनले ३८ र ट्रिस्टन स्टब्सले २५ रनको योगदान दिए। अष्ट्रेलियाई बलरहरूमा नाथन एलिसले सर्वाधिक ३ विकेट लिए। लक्ष्यलाई पीछा गर्दै अष्ट्रेलियालाई कप्तान मार्शले तेज शुरुवात दिलाए। उनले ट्रेविस हेडसँग मिलेर पहिलो विकेटको निम्ति ४८ बलमा ६६ रनको पार्टनरशीप गरे। मार्करमले हेडलाई आउट गर्नको साथै अष्ट्रेलियाले लगातार विकेट गुमाउन थाल्यो। अष्ट्रेलियाले २२ रनभित्र ४ विकेट गुमायो। यसरी ८८ रनमै ४ विकेटको पतनपछि म्याक्सवेलले टीमलाई जीत दिलाए। उनले तल्लो क्रमका खेलाड़ीहरूसँग खेल्दै एक बल बाँकी रहँदा आफ्नो टीमलाई जीत दिलाए। दक्षिण अफ्रिकी बलरहरूमा कोर्बिन बशले सर्वाधिक ३ विकेट लिए। अष्ट्रेलियाका म्याक्सवेलले प्लेयर अव् द म्याच र टिम डेविडले प्लेयर अव् द सीरीजको पुरस्कार जिते।