नयाँ दिल्ली: अन्तर्राष्ट्रिय क्रिकेट परिषद (आईसीसी)-ले पुरुषहरूका अन्तर्राष्ट्रिय क्रिकेटको निम्ति खेलको परिस्थितिहरूमा ठूलो बद्लाउहरूको घोषणा गरेको छ। टेस्ट म्याचहरूका निम्ति १७ जून, वनडे इण्टरनेशनलको निम्ति २ जुलाई र टी२० इण्टरनेशनलको निम्ति १० जुलाईदेखि नयाँ नियमहरू लागू गरिनेछ। यी बदलाउहरूको सिफारिश आईसीसी पुरुष क्रिकेट समितिले गरेको थियो अनि रिपोर्ट अनुसार मुख्य कार्यकारी समितिले त्यसलाई मञ्जुरी दिएको छ। यसमा वनडे इण्टरनेशनलमा नयाँ बलको प्रयोग प्रमुख छ। अहिलेसम्म वनडे म्याचहरूमा दुवै प्रान्तबाट २ वटा नयाँ बलको प्रयोग गरिन्थ्यो तर नयाँ नियमअन्तर्गत ३४औं ओभरपछि बद्लाउ हुनेछ। ईनिंग्सको शुरुवातदेखि ३४औं ओभरसम्म दुईवटा बलको प्रयोग गरिनेछ, दुवै प्रान्तबाट १-१ वटा। यसरी ३५औं ओभरदेखि ईनिंग्सको अन्तसम्मको निम्ति बलिंग गर्ने टीमले ती दुईवटा बलमा एउटा चयन गर्नु पर्नेछ अनि दुवै प्रान्तबाट त्यही बल प्रयोग गरिनेछ। यसरी म्याच २५ या त्यसभन्दा कम्ती ओभरको भए शुरुदेखि केवल एउटा नयाँ बलको प्रयोग गरिनेछ। ब्याट र बलबीच असल सन्तुलनको निम्ति आईसीसीले यो बद्लाउ गरेको छ।
आईसीसीले कन्कशन सब्स्टीट्यूड (शीरमा चोट लाग्दा चोटग्रस्त खेलाड़ीको स्थानमा अन्य खेलाड़ी खेलाउने) नियममा पनि संशोधन गरेको छ। यस नियमलाई अधिक संरचित बनाउन अऩि म्याचको अवधि कुनै प्रकारको विवादबाट बाँच्न यस्तो गरिएको छ। अबदेखि टीमहरूले खेल शुरु हुन अघि नै म्याच रेफरीलाई ५ सम्भावित सब्स्टीट्यूड खेलाड़ीहरूका सूची सुम्पिनु पर्नेछ। यस सूचीमा प्रत्येक विशिष्ट भूमिकाको निम्ति एकजना ब्याटर, एकजना पेस बलर, एकजना स्पिनर, एकजना विकेटकीपर र एकजना अलराउण्डर हुनु पर्नेछ। यो बद्लाउ हालका केही म्याचहरूमा विवादास्पद क्षणहरू पछि आएको छ। उदाहरणको निम्ति यस साल जनवरीमा भारतले ईंग्ल्याण्डविरुद्ध एउटा टी२० इण्टरनेशनल म्याचको अवधि ब्याटिंग अलराउण्डर शिवम दुबेको स्थानमा बलिंग अलराउण्डर हर्षित राणालाई सामेल गरेको थियो। म्याचमा हर्षित राणाले ३ विकेट लिँदा यस नियमको निष्पक्षतालाई लिएर बहस शुरु भएको थियो। अब नयाँ नियमले समान विकल्पको मात्र अनुमति दिनेछ। यसरी नामित कन्कशन विकल्प पनि चोटग्रस्त रहे म्याच रेफरीले मूल पाँचमा कुनै एकजनालाई मञ्जुरी दिन सक्नेछन् तर खेलको भूमिकामा मेल खानु पनि जरूरी हुनेछ। यी ठूलो बद्लाउहरूको साथमा आईसीसीले मेरिलबोन क्रिकेट क्लब (एमसीसी)-बाट एउटा सानो तर महत्त्वपूर्ण अपडेट पनि गरिरहेको छ। अहिलेसम्म क्रिकेटमा बनी हप नियम अनुसार फील्डरहरूले सीमारेखाको बाहिरबाट उफ्रिएर पनि क्याच लिन सक्थे तर अब यस्ता क्याचहरू अमान्य हुनेछ। यसको उद्देश्य खेललाई सफा बनाउनु अनि आउट निष्पक्ष तथा स्पष्ट रूपले सीमारेखा भित्र होस् भन्ने हो।