म्याड्रिड: स्पेनिश ला लीगा फूटबलमा बार्सिलोना ड्र-मा अल्झियो भने गत सीजनको च्याम्पियन रियल म्याड्रिडले निराशाजनक हारको सामना गर्नु पऱ्यो। शनिवार राति खेलिएको म्याचमा रियल म्याड्रिडलाई भेलेन्सियाले २-१-ले पराजित गऱ्यो। आफ्नो होम ग्राउण्ड सेण्टियागो बर्नब्यूमा ६५ प्रतिशत पोजेशनको साथ खेल्ने रियल म्याड्रिडले मौकाहरूको फाइदा उठाउन सकेन अनि अन्तिम क्षणमा गोल खाएर म्याच गुमायो। मौक्टार डिआखाबीले १५औं मिनटमा भेलेन्सियालाई बढ़त दिलाए। यस गोलको सहायताले भेलेन्सिया मध्यान्तरसम्म अघि रहे पनि रियल म्याड्रिडले दोस्रो हाफको शुरुमै गोल गऱ्यो। विनिसियस जूनियरले ५०औं मिनटमा गोल गरी स्कोर १-१-को बराबरीमा पुऱ्याए। त्यसपछि म्याच ड्र तर्फ अग्रसर भइरहेको थियो तर अन्तिम क्षणमा हासिल भएको जीतले भेलेन्सियालाई जीत दिलायो। भेलेन्सियाबाट ह्यूगो डुरोले इञ्ज्युरी टाइमको पाँचौं मिनटमा गोल गरे। यस जीतपछि भेलेन्सिया ३० वटा म्याचमा ३४ पोइण्ट्सको साथ ला लीगा पोइण्ट्स टेबलको १५औं स्थानमा पुग्यो। यसरी दोस्रो स्थानमा कायम रियल म्याड्रिडसँग ६३ पोइण्ट्स रहेको छ।
बार्सिलोनाले पनि रियल बेटिसविरुद्ध १-१-को ड्र-मा चित्त बुझाउनु पऱ्यो। आफ्नो होम ग्राउण्डमा ७५ प्रतिशत पोजेशनको साथ खेल्ने बार्सिलोनाले पूरा म्याचमा लगातार आक्रमण गरे पनि जीत हासिल गर्न सकेन। म्याचमा होम टीमको शुरुवात असल रह्यो अनि गावीले सातौं मिनटमै गोल गरी आफ्नो टीमलाई बढ़त दिलाए। रियल बेटिसले पनि १७औं मिनटमा नाटानको गोलको सहायताले म्याचमा १-१-को बराबरी हासिल गऱ्यो। म्याचको रहल समयमा दुवै टीमले लगातार प्रयास गरे पनि थप गोल हुन सकेन। यस ड्र पछि बार्सिलोना ६७ पोइण्ट्सको साथ शीर्ष स्थानमा कायम रह्यो। यसरी पाँचौं स्थानमा रहने रियल बेटिससँग ४८ पोइण्ट्स रहेको छ। अलावेसले पनि गिरोनाविरुद्ध १-०-ले रोमाञ्चक जीत हासिल गऱ्यो। विजेता टीमबाट म्याचको एकमात्र गोल कार्लोस भिन्सेण्टले ६१औं मिनटमा गरे। अलावेस ३० पोइण्ट्सको साथ १७औं स्थानमा रहेको छ। ला लीगाका अन्य म्याचहरूमा एस्पानयोलले रायो भाल्लेकानोलाई ४-०-ले अनि सेल्टा विगोले मालोर्कालाई २-१-ले पराजित गऱ्यो।