म्याड्रिड: स्पेनिश ला लीगा फूटबल प्रतियोगिताको बहुप्रतीक्षित म्याड्रिड डर्बी ड्र-मा समाप्त भयो। शनिवार राति रियल म्याड्रिड र एट्लेटिको म्याड्रिडबीच खेलिएको रोमाञ्चक म्याच १-१-ले ड्र रह्यो। म्याचमा एट्लेटिको म्याड्रिड मध्यान्तरसम्म पनि अघि रहेको थियो तर कीलियन एम्बाप्पेले पछिबाट गोल गरेर रियललाई हार्नबाट बचाए। आफ्नो होम ग्राउण्ड सेण्टियागो बर्नब्यू स्टेडियममा ६१ प्रतिशत पोजेशनको साथ खेल्ने रियल म्याड्रिडले असल शुरुवात गरे पनि शुरुमै गोल खायो। अर्जेण्टिनाई फरवर्ड जूलियन अल्वारेजले ३५औं मिनटमा गोल गरी एट्लेटिको म्याड्रिडलाई बढ़त दिलाए। मध्यान्तरसम्म पछि रहने रियल म्याड्रिडले दोस्रो हाफको खेलमा बराबरी हासिल गऱ्यो। फ्रान्सीसी फरवर्ड एम्बाप्पेले ५०औं मिनटमा गोल गरी स्कोर बराबरीमा पुऱ्याए। यस रोमाञ्चक ड्र पछि रियल म्याड्रिड र एट्लेटिको म्याड्रिड ला लीगा पोइण्ट्स टेबलको शीर्ष २ स्थानमा कायम रह्यो। रियलसँग २३ वटा म्याचमा ५० पोइण्ट्स रहेको छ जबकि एट्लेटिकोले ४९ पोइण्ट्स हासिल गरेको छ। यसरी एथलेटिक क्लबले गिरोनाविरुद्ध ३-०-ले जीत हासिल गऱ्यो। विजेता टीमबाट ओइहान साञ्चेटले ह्याट्रिक गरे। यस अवे म्याचमा गिरोनाले ५६ प्रतिशत पोजेशनको साथ खेले पनि गोल गर्न सकेन। एथलेटिक क्लब ४४ पोइण्ट्सको साथ चौथो स्थानमा रहेको छ। यसरी सातौं स्थानमा रहने गिरोनासँग ३१ पोइण्ट्स रहेको छ। अन्य म्याचहरूमा भिल्लारियलले लास पालमासलाई २-१, सेल्टा विगोले रियल बेटिसलाई ३-२ र रायो भाल्लेकानोले भाल्लाडोलिडलाई १-०-ले पराजित गऱ्यो।