क्रिसमस भन्दा ठीक अघि अर्थात् २४ दिसम्बरमा अन्तरिक्षमा एउटा अनौठो घटना हुन लागेको छ। वैज्ञानिकहरुका अनुसार १२० फिट लामो क्षुद्रग्रह पृथ्वी नजिकैबाट गुज्रदैछ। वैज्ञानिकहरूले यस क्षुद्रग्रहलाई २०२४ एक्सएन१ नाम दिएका छन्। नासाका अनुसार यो क्षुद्रग्रह १४,७४३ माइल प्रतिघण्टाको गतिमा गुडिरहेको छ, जुन पृथ्वीबाट ४,४८०,००० माइलको दुरीबाट गुज्रने छ, जुन पृथ्वी र चन्द्रमाबीचको दूरीको १६ गुणा हो। नासाका वैज्ञानिकहरूका अनुसार १२० फिट लामो क्षुद्रग्रह पृथ्वीको धेरै नजिकबाट गुज्रिरहेको भए पनि यसले कुनै खतरा नपार्ने बताएको छ। यति हुँदाहुँदै पनि वैज्ञानिकहरूले अन्तरिक्षमा भइरहेको यो अनौठो घटनामाथि नजर राखिरहेका छन्। अन्तरिक्षमा पृथ्वीको नजिकै एउटा क्षुद्रग्रह गुज्रिएको घटना नयाँ होइन। तर, यो क्षुद्रग्रह धेरै हिसाबले विशेष छ। वैज्ञानिकहरूका अनुसार २०२४एक्सएन१ जस्ता क्षुद्रग्रहहरूले प्रारम्भिक सौर्यमण्डलको उत्पत्ति बुझ्न महत्त्वपूर्ण भूमिका खेल्न सक्छन्। नासाले यस क्षुद्रग्रहको मार्ग बुझ्नको लागि अत्याधुनिक ट्र्याकिङ प्रविधिको प्रयोग गरिरहेको छ।

वैज्ञानिकहरूका अनुसार क्षुद्रग्रह २०२४ एक्सएन१ पृथ्वीको नजिकबाट गुज्रने अर्को पाँच क्षुद्रग्रहहरू मध्ये सबैभन्दा ठूलो हो। यसका बाबजुद पनि पृथ्वी नजिकैबाट गुज्रिएकाले पृथ्वीलाई कुनै खतरा नहुने वैज्ञानिकहरूले आश्वासन दिएका छन्। नासाको एस्टेरोइड वाच ड्यासबोर्डको सहयोगमा यो क्षुद्रग्रहको निगरानी भइरहेको छ। नासाको ड्यासबोर्डले ती सबै क्षुद्रग्रह र धूमकेतुहरूको बारेमा जानकारी दिन्छ जुन पृथ्वीको नजिकबाट गुज्रिरहेका छन् वा पृथ्वीसँग टक्कर गर्न लागेका छन्। नासाको यो प्लेटफर्मले पृथ्वीबाट क्षुद्रग्रहको निकटतम दूरी, तिनीहरूको आकार र गतिको बारेमा जानकारी दिन्छ, जसका कारण वैज्ञानिकहरूले अन्तरिक्षबाट पृथ्वीमा आउन सक्ने सम्भावित खतराको अनुमान गर्न सक्छन्। क्षुद्रग्रहहरू आकाशीय पिण्डहरू हुन्, जुन हाम्रो ब्रह्माण्डमा निरन्तर घुमिरहन्छन्। यी क्षुद्रग्रहहरू कुनै पनि ग्रहभन्दा आकारमा साना र उल्कापिण्डभन्दा ठूला हुन्छन्। यी केही धातु र चट्टानबाट बनेका छन्। कुनै ग्रह वा तारा टुटेको कारण क्षुद्रग्रह बन्ने वैज्ञानिकहरुको विश्वास छ। हाम्रो सौर्यमण्डलमा करिब २० लाख क्षुद्रग्रह घुमिरहेका छन्।