विख्यात तबला वादक जाकिर हुसैनको निधन भएको छ। उनले अमेरिकाको सान फ्रान्सिस्कोस्थित एक अस्पतालमा अन्तिम सास लिए। यहाँ उनको उपचार भइरहेको थियो। सोमबार उनको मृत्यु भएको परिवारले पुष्टि गरेका छन्। गम्भीर स्वास्थ्य समस्याका कारण विगत दुई सातादेखि अस्पताल भर्ना थिए। सोमबार बिहान परिवारले जाकिर हुसैनको मृत्यु भएको पुष्टि गरे। जाकिरको मृत्युको पुष्टि गर्दै परिवारले आधिकारिक विज्ञप्ति पनि जारी गरेको छ। उनको मृत्यु इडियोप्याथिक पल्मोनरी फाइब्रोसिस, फोक्सोमा असर गर्ने रोगका कारण भएको परिवारले खुलासा गरेको छ। जाकिर हुसैनको मृत्युको खबर आइतबार पनि फैलिएको थियोl सञ्चारमाध्यमको समाचारअनुसार, अमेरिकाको सान फ्रान्सिस्कोमा अन्तिम सास लिने तबलावादक जाकिर हुसेनलाई सान फ्रान्सिस्कोमा नै अन्त्येष्टि गरिने र उनलाई भारत ल्याइने छैन। स्रोतकाआनुसार, जाकिर हुसैनलाई बुधबार सान फ्रान्सिस्कोमा दफन गाडिने समाचार छ। जाकिर हुसेनका भाई फजल कुरेशी भारतबाट अमेरिका पुगेका छन् भने बहिनी खुर्शिद औलिया पनि लन्डनबाट अमेरिका जाँदैछन्।

जाकिर हुसैन एक धेरै प्रसिद्ध तबला वादक थिए। उनले अन्तर्राष्ट्रिय स्तरमा आफ्नो पहिचान बनाएका थिए। सन् १९५१ मा उस्ताद अल्लाह राखको घरमा जन्मेका जाकिर बाल्यकालदेखि नै निकै प्रतिभाशाली थिए। उनले सात वर्षको उमेरमा अभिनय गर्न थालेका थिए। जाकिर हुसेन एक उत्कृष्ट तबला वादक मात्र नभएर उत्कृष्ट संगीतकार पनि थिए। उनले हिट एन्ड डस्ट र इन कस्टडी जस्ता फिल्मका लागि संगीत पनि दिएका थिए। उनले अन्तर्राष्ट्रिय ब्याले र आर्केस्ट्रा निर्माणका लागि केही जादुई रचनाहरू पनि सिर्जना गरे। जाकिर हुसेनलाई धेरै पुरस्कारले सम्मानित गरिएको थियो। उनलाई सन् १९८८ मा पद्मश्रीबाट सम्मानित गरिएको थियो । यसपछि उनलाई सन् २००२ मा पद्मभूषण र २०२३ मा पद्मविभूषण जस्ता सर्वोच्च पुरस्कारबाट सम्मानित गरिएको थियो। हुसैनलाई सन् १९९० मा सर्वोच्च संगीत सम्मान ‘संगीत नाटक अकादमी पुरस्कार’ पनि प्रदान गरिएको थियो। जाकिर हुसैनलाई समकालीन विश्व संगीत एल्बम श्रेणीमा रहेको एल्बम ‘ग्लोबल ड्रम प्रोजेक्ट’का लागि सन् २००९ मा ५१औं ग्रामी पुरस्कार प्रदान गरिएको थियो। उल्लेखनीय छ, उस्ताद जाकिर हुसैन आफ्नो करियरमा ७ पटक ग्रामी अवार्डका लागि मनोनीत भएका थिए, जसमध्ये चार पटक उनलाई यो अवार्डबाट सम्मानित गरिएको थियो।