जलपाईगढी: जलपाईगढी शहरमा बिहानैदेखि कुहिरो लागेको हुनाले शहरवासीहरूले विगत ५ दिनदेखि सूर्योदय देख्न पाएका छैनन्। साथै, हड्डी दुख्ने चिसो हिउँको हावा चलिरहेको छ। बिहान ७ बजेसम्म शहरका सडकहरु सुनसान थिए। बुधबार पनि  दिनभर चिसो बढेको थियो। आज बिहानैदेखि मौसममा  चिसो बढेको छ। बिहान न्यूनतम तापक्रम १० डिग्री सेल्सियस मापन गरिएको थियो। साँझपख मानिसहरु चिसोको प्रकोपबाट बच्न आगो बाल्ने गरेको देखिएको छ। केही दिनदेखिको वर्षापछि चिसो बढ्ने सम्भावना देखिएको छ।